Yulduzli kechaga to’lib humoring
Kuygan yuragimni taftini olgin.
Meni tutaverar seni humoring
Ming kecha bo’lmasa bir kecha qolgin. Ko’nglim armonlari kulga aylansin
Orzularim oppoq gulag aylansin.
Mayliga shu oqshom yilga aylansin
Ming kecha bo’lmasa bir kecha qolgin.
Ertani ko’rish yo’q, ham ortga qaytish
Hayolga ergashib telbadek daydish
Hechkimga aytish yo’q, hech kimga aytish
Ming kecha bo’lmasa bir kecha qolgin.
Kulbamni yoritsin yularing shami
Labimdan ketmasin bo’salar tami
Bo’lardi umrimning eng shirin dami
Ming kecha bo’lmasa bir kecha qolgin.
Iltijo qilaman chiqma deb kunga
Ohimdan osmonlar to’lsin tutunga
Alishaman qolgan umrim shu tunga
Ming kecha bo’lmasa bir kecha qolgin.
