|
“Sen yolg`iz emassan” Respublika jamoatchilk bolalar jamg`armasi, “O`zbekiston” telekanali va “Tomosha” bolalar teatri hamkorlikda “Baraka top!” nomli yangi musiqali filmni suratga olishdi. Bu filmni asosiy g`oyalarini vatanparvarlik ruhi, bilimga intilish, tabiatni asrash kabi tushunchalar tashkil qiladi.
Voqea “Tomosha” qishlog`ida bo`lib o`tadi. Film voqealari uch qo`shni – “Yaxshiboyevlar”, “Kamtarjonovlar” va “Polvonovlar” oilasi o`zaro munosabatlari asosiga qurilgan. Suratga olish jarayonida “Tomosha” bolalar teatri qatnashchilarining ijrosi professional aktyorlarda ham o`zgacha taassurot uyg`otdi.
Filmda Gulchehra Jamilova, Maqsud Mansurov, Shukrullo Isroilov, Halima Ibrohimova, Valijon Shamsiyev kabi aktyor va qiziqchilar bilan birgalikda Ra`no Ro`ziqulova, doirachi Habibulla Rasulov, honanda Iroda Dilroz, Sitora Ahmedova kabilar ham turli rollarni ijro etishdi.
Film shunisi bilan ham e`tiborga loyiq-ki, “Tomosha” teatrining qatnashchilari bilan birgalikda ularning oila a`zolarini ham filmda ko`rishimiz mumkin.
Film voqealari poytaxtimiz mahallalari va atrof qishloqlarda suratga olindi.
Eslatib o`tamiz, film prodyusseri Nodira Qurbonovadir.
| 
