Men taniydigan bir qiz bor edi. Shahardan qishloqqa borganimda bazan uni ko'rardim. Ko'pincha ularning oilasi haqida noxush xabarlar eshitardim. Otasi 2 oila qilib boshqa yerga ko'chib ketgan bo'lib, har zamon qishloqqa kelardi va har kelganda ichib urush-janjal chiqarardi. Xotinini urush b.n birga qizini ham ayab o'tirmasdi. Hamma ularni janjalidan bezor bo'lgandi.
O'sha qizning bo'yi yetib uyiga sovchilar kela boshladi. Lekin u qiz bir yigit b.n sevishgandi. Yigit taksist bo'lib qiz uning mashinasiga o'tirganda ilk bor tanishgan ekan. Yigit ham yaxshi oiladan bo'lib, qiznikiga sovchi jo'natdi. Hamma rozi bo'lib turganda qizning otasi Yo'q debdi. Bunga sabab esa qizining o'sha taksiga chiqqani va qizining yomon qizlardan biri ekanligimish. Ota o'z qizini o'zi yomonotliq va baxtsiz qilayotganini nahot bilmasa? Yaqinda o'sha qiz haqida yana bir gap eshitdim. Otasi endi "Kimdan sovchi kelsa o'shanga beraman" deb aytayotgan ekan. O'sha qizning taqdiri endi nima bo'ladi? Ayb kimda? Qizning aybi begona bir taksiga o'tirganimi? Otadami? O'zi u odam ota deyishga loyiqmi?
