|
Eslaysizmi o'sh kunlarni,
Dil berardim gul evaziga.
Sevishimni hamma-hammadan
Yashirardim qalb qafasiga. Faqat sizga ochardim sirni,
Olov qo'yib tovushlariga.
Ko'zingizdan uchgan mehrni,
Qamar edim hovuchlarimga. Shunday, shirin edi u kunlar,
Shunday shirin tushlar ko'rganman.
Bu tush... bo'lsa, qachon, qayerda,
Yuragimni sizga berganman. Siz ketdingiz... Yig'lab ergashgan
Nimamki bor, bir-bir soldim tig'.
Bo'g'zim nadur, hovuchim nadur,
Umrimgacha armonga to'liq. Ko'z yoshimning soyalarida, Nur haqida xayol suraman.
Sizdan yodgor qolgani uchun-
Armonlarni yaxshi ko'raman. Sizsiz o'lib qolaman devdim
O'lolmadim... ming bor uzr, dil.
Siz borsizki, yorug' dunyoda
Shu dunyodan uzmasman ko'ngil. Bu qandayin bekor sadoqat?
O'z-o'zimga savol beraman.
Javobim shu: faqat va faqat
Axir... sizni... yaxshi ko'raman.
| 
