Америкада мусулмонлар сони кундан-кунга кенгайиб бормокда. Хўш, уларнинг ибодат килишлари учун шароит етарлими? Маълумотларга кўра, АКШда 1200дан ортик масжидлар ва мусулмонлар макбаралари мавжуд. Далилларга аниклик киритиш учун тарихга назар солиш ўринли бўлади.

1965 йил Америка Кўшма Штатларига дунёнинг турли худудларидан, жумладан, Покистон, Эрон, Ирок, Афгонистон ва бошка араб мамлакатларидан эмигрантлар келиб жойлашадилар. Шундан сўнг мамлакатга кўчиб келган ахоли учун турар-жой хамда маданий-маиший бинолар, мусулмон ахоли учун эса масжидлар барпо этила бошланади. Бу жараён хозирги кунда хам давом этяпти.

Хозир ана шу масжидларнинг меъморий тузилишига эътиборингизни каратмокчимиз. Аввало шуни таъкидлаб ўтиш ўринлики, АКШга кўчиб келган мусулмонлар масжидлар куриш ва бошка шунга ўхшаш ишларни ўз ташаббус ва маблаглари хисобига амалга оширадилар.

"Ислом маданият маркази” 1991 йилда куриб битказилган. Нью Йорк штати.

Масжидларнинг ичи ва ташкарисида турли накшли безаклардан мохирона фойдаланилган. Ана шу гўзал макбаралар хар кандай одамни лол колдириб, ўзига мафтун этмокда.

Американинг Массачусеттс штатидаги Кэмбриж технология инситути доктори Умар Халиди тажрибали меъморлардан бири хисобланади. У хозирги Америкадаги масжидларнинг асосан учта чизма оркали машхур бўлиб кетганини таъкидлайди. Биринчи кўриниш, кўпгина масжидларнинг чизмаси мусулмон мамлакатларидаги макбараларнинг миллий услубига хосдир. Иккинчиси, масжидларнинг чизмаси Америка чизмалари билан озгина бириктирилган. Учинчилари бўлса мутлако ўзгача, янги бир дизайн, янгича ихтиролардан таркиб топганлиги билан ажралиб туради. Шуниси эътиборга лойикки, АКШ масжидлари меъморий жихатдан мана шу уч турдан бирига тегишли бўлиб чикади. Хаттоки, масжидлардаги хар бир хонадан тортиб кутубхоналаригача хам ушбу чизмалардан фойдаланилган экан. Яна бир мухим янгилик: Муслималар учун хам масжидларда алохида хоналар ажратилган. Бизга маълумки, ислом мамлакатларининг бирортасида масжидларга аёллар бормайдилар. Лекин Америкада масжидларга муслималар хам дам-бадам ташриф буюриб туришади. Масжидларда диний маърузаларни тинглашни америкалик мусулмонлар ўзлари учун бир фарз деб хисоблайдилар.

Агар эътибор бериб карасак, Америкада мусулмонлар сони 8.5 миллионгача етган. Буларга биринчи сабаб курилаётган макбара, масжидларнинг гўзаллиги кишиларни мафтун этганлиги бўлса, иккинчиси Рамазон ойида рўза тутиш. Яна бир статистик маълумотга кўра АКШда 2010 йилга келиб мусулмонлар сони ошиб бориши ва ислом дини христиан диндан кейинги катта динга айланиши кутилмокда.

"Ислом гурухи” 1990 йилларда Умар Халиди бошчилигида куриб битказилган. Техас штати.

Дархакикат, гўзаллик хар кандай одамни ўзига жалб этмай колмайди. Ислом дунёси хам шундай. Зеро, "Аллох , гўзал ва у гўзалликни севади”.

Нигора Гойибова