Матбуот анжуманида учрашувнинг энг яхши футболчиси Гейнрих ҳам иштирок этди.

Александр Гейнрих: - Аввало бугунги ғалаба билан бизга мухлислик қилган барча ишқибозларимизни табриклайман. Бугун ажойиб ўйин намойиш этган ҳолда керакли натижага эришдик деб ўйлайман. Сафарда кечадиган жавоб баҳсида ҳам шиддаткорликни туширмасликка ҳаракат қиламиз.

- Бугун гол ураман деб ўйлаганмидингиз?

- Унда ҳужумчининг майдондаги вазифаси нима (кулади)? Лекин тан оламан бундай тез бўлади деб ўйламагандим. Ҳар доим жарима тўпи тепишга яқинлашвотганимда ич-ичимдан гол билан якунланишига умид қиламан. Ундан ташқари бош мураббийимиздан мени майдонга туширишини илтимос қилгандим. Шу билан бирга гол уришимни ҳам қайд этиб ўтдим. Қолаверса мухлислар олдидаги маъсулиятни ҳам хис этдим. Сўзим якунида барча ҳамюртларимизни Наврўз байрами билан табриклайман!