|
Сиз хориж фильмларида кинотеатрдаги одамлар махсус
кўзойнаклар тақиб фильм томоша қилишаётганига кўп гувоҳ бўлгансиз.
Қизиқ, улар қандай кўзойнаклар ўзи?
3D кўзойнаклари сизга қаршингизда турган тасвирни
катталаштириб, ҳа-ракатлантириб, икки хил кўринишда кўрсатиб бера
олади.
3D кўзойнагининг ойнаклари икки хил рангда бўлиб,
бунда кўз-ларингиз икки тарафдаги тасвирларни ҳам баравар қабул қилади.
Яқиндагина экран юзини кўрган, оламшумул машҳурликка эришган "Аватар”
фильми ҳам аслида 3D кўзойнакларини тақиб кўришга мўлжалланган фильм
ҳисобланади. Шундагина сиз фильм-даги ҳақиқий жозибани, фантастик
саҳналарни тўлиғича кўрасиз. Гўё фильм ичида юргандек ҳис қиласиз
ўзингизни. 3D кўзойнаклари нафақат фильм томоша қилиш учун, балки
махсус 3D китоблар, комиксларни кўриш, турли компьютер ўйинларини ўйнаш
учун ҳам мўлжалланган.
Хориж журналларида ўз рекламаларини 3D кўринишда жойлаштириш тобора
ортиб бормоқда. Бунда рекламани кўриш учун журналга махсус кўзойнак ҳам
ёпиштирилган бўлади. Ҳаракатланувчи рек-ламаларни махсус кўзойнакда
(бунинг устига текин) томоша қилиш катталарни ҳам, кичикларни ҳам
бефарқ қолдирмайди-да!
Қизиқ, Ўзбекистон кинотеатрларига 3D кўзойнакларида томоша қилиш
мумкин бўлган фильмлар қачон етиб келади?
Бу савол билан "Навоий” ва "Ғунча” кинотеатрларига мурожаат
қилганимизда улардан аниқ жавоб ололмадик. Ким билсин, балки яқин
йилларда (ойларда) ўзбек томошабинлари ҳам кинотеатрларда 3D
кўзойнакларини тақиб фильм томоша қилишар?
Буни вақт кўрсатади.
|
