Sardor Rahimxon - O'zbekiston Respublikasida hizmat ko'rsatgan artist!
O'zbekiston Respublikasi Mustaqillik bayrami arafasida har yili barcha soha vakillari kabi san'at olami vakillari ham unvon, orden va medallar bilan mukofotlanadilar. An'anaga muvofiq bu yil ham san'at olamida o'z o'rniga ega bo'lgan yetakchi ijodkorlarimiz mukofotlandilar. Jumladan, Sardor Rahimxon O'zbekiston Respublikasida hizmat ko'rsatgan artist unvoni sohibiga aylandi!
Bir necha yil mobaynida tinmay ijod qilib kelayotgan va xalq ko'nglidan allaqachon joy egallagan xonanda Sardor Rahimxon O'zbekiston Respublikasida hizmat ko'rsatgan artist degan fahrli unvonga loyiq edi. Bugun u ana shu unvon sohibiga aylandi. Bu unvon Sardor Rahimxonni yanada jo'shqin ijod qilishga, muxlislar talablarini qondirish va albatta ona vatanimiz O'zbekiston nomini dunyoga taratishga undashi shubhasiz. Biz Sardor Rahimxonni ushbu buyuk mukofot bilan chin dildan muborakbod etamiz. Shuningdek, Dilnoza Ismiyaminova ham O'zbekiston Respublikasida hizmat ko'rsatgan artist unvoniga sazovor bo'ldi. Futbol bo'yicha O'zbekiston Milliy terma jamoasi a'zosi, termamizning bosh darvozaboni Ignatiy Nesterov O‘zbekiston Respublikasida xizmat ko‘rsatgan sportchi unvoniga loyiq topildi, “Mehnat shuhrati” ordeni bilan O‘zbek milliy akademik drama teatri aktyori Mahmud Ismoilov, “Shuhrat” medali bilan O‘zbekiston milliy teleradiokompaniyasi “Yoshlar” teleradiokanali “Davr” axborot dasturi muharririyati katta muharriri, boshlovchisi Arevat Grigoryan taqdirlandi.
