Финландиянинг «Nokia» компанияси Рамазон ойи муносабати билан ўз сайтида мусулмонлар учун махсус бўлим яратган.
Мазкур бўлим «nokia.com/ramadan» манзилига жойлаштирилган. Сайтда саҳифанинг инглиз, француз ва арабча вариантлари жойлаштирилган. Саҳифадан бепул фойдаланиш имкони мавжуд, шунингдек, у мусулмонлар учун зарур бир нечта вазифаларни амалга оширади: саҳифада Қуръони Каримнинг турли тиллардаги таржимаси, намоз пайтидан огоҳлантирадиган будильниклар, табрикномалар ва мусулмонлар учун фойдали маслаҳатлар ўрин олган.
Янги амаллардан қуйидаги телефон эгалари бемалол фойдаланиши мумкин: Nokia N78, Nokia N70 Music Edition, Nokia E51, Nokia 6500 Slide, Nokia 6300, Nokia 3120 Classic ва Nokia 2630.
