| Статистика |
XOZIR SAYTDA 12 MEXMON 12 FOYDALANUVCHI 0 |
|
 | |  |
| Главная » 2009 » Август » 7 » Пахтакор -:- Бунёдкор
20:40 Пахтакор -:- Бунёдкор |
|
СКОЛАРИ: “ҲАММА БОР КУЧИНИ ИШГА СОЛАДИ”
Бугун ЎФФ офисида мамлакат кубоги финалидан олдинги матбуот анжумани ўтказилди. ЎФФ мажлислар залига дастлаб кубокнинг амалдаги соҳиби вакиллари – бош мураббий Луиз Фелипе Сколари ва ҳужумчи Хосе-Луис Вильянуэва кириб келишди.
- Эртанги ўйин қизғин кечиши тайин, - дейди бразилиялик мутахассис. - Финалга руҳий томондан алоҳида тайёргарлик йўқ. Чунки биз барча учрашувларга бир хил ҳозирлик кўрамиз. Бу баҳсга ҳам ҳар доимгидек жиддий тайёрланяпмиз. Кубокни қўлга киритиш учун иккала жамоа ҳам бутун имкониятларини ишга солиши аниқ. Ғалаба учун иккала клуб ҳам бор кучини ташлайди.
- Таркибда йўқотишлар йўқми?
- Ҳамма курашга шай. Ҳеч қандай муаммо йўқ.
- Камолиддин Мурзоев жамоага қанчалик қўшилиб кетди?
- Уни йил охиригача кўриб борамиз. Кейин аниқ бир хулосага келамиз у бўйича. Аммо “Насаф” сафида бизга қарши учрашувларда у ўзининг яхши сифатларини намойиш этди.
- Нима деб ўйлайсиз, финал тақдири 90 дақиқада ҳал бўладими ёки қўшимча вақт ва пенальтилар сериясини ҳам кўришимиз мумкинми?
- Олдиндан айтиш қийин. Қайси бир жамоа яратган вазиятларидан унумли фойдалана олса, ўша клуб тўқсон дақиқадан сўнг кубок эгасига айланади. Агар иккала томон ҳам имкониятлардан яхши фойдалана ололмаса, иш қўшимча вақт ва пенальтиларгача бориши турган гап.
- Қандай тактика қўллашни ўйлаб турибсиз?
- Ҳар доимги тактикамизга таянамиз. Агар керак бўлса, беллашув оқимига қараб, ўйин ташкил этишда ўзгаришлар қилишимиз ҳам мумкин.
***
Хосе-Луис Вильянуэва жароҳати туфайли ўтган йилги финалда тўп сурмаган эди.
- Мен чиндан ҳам “Пахтакор”га қарши кечган ўтган мавсумдаги кубокнинг ҳал қилувчи учрашувида қатнаша олмагандим, - деббошладибугунгиўйинолдиматбуотанжуманидаўзфикриничилиликлегионеримиз. – Биз чемпионатда “Пахтакор”дан анча илгарилаб кетганимиз сабабли, рақибларимизда кубокни қўлга киритишга бўлган иштиёқ бизникидан кучли эканлиги шубҳасиз. Учрашув уларнинг майдонида ўтишини ҳам унутманг. Бироқ “Бунёдкор” барча мусобақаларда зафар қучиш учун тўп суради. Эртанги финал ҳам бундан мустасно эмас.
- Пахтакорчилар билан майдондан ташқарида шахсий алоқалар ўрнатганмисизлар?
- Улар менинг касбдошларим саналишади. Шунинг учун мен уларга ҳамиша ҳурматдаман. Майдонда рақибмиз, аммо унинг ташқарисида бир-биримизга самимий бўлишимиз даркор. Агар менда тил муаммоси бўлмаганида, балки пахтакорчилар билан қаттиқ дўстлашиб олармидим...
- 2008 йилги мавсумга қараганда, бу йил кам гол уряпсиз. Бунга жароҳатингиз бош сабабми?
- Тўғри таъкидладингиз. Ўтган йилги жароҳатимдан сўнг аввалги олий ҳолатимга қайтиш менга жуда қийин бўляпти.
|
|
Категория: Новости Футбола |
Просмотров: 1023 |
Добавил: JAVOXIR
| Рейтинг: 0.0/0 |
Добавлять комментарии могут только зарегистрированные пользователи. [ Регистрация | Вход ] | |
|
|
