Kino san'ati orqali aktyor Alisher Uzoqovni juda yaxshi taniysiz. U ishtirokidagi juda ko'plab filmlar kinoshinavandalar e'tiboridan chetda qolmaydi. Endilikda Alisher Uzoqovni xonanda sifatida ham ko'rish mumkin...
Alisher Uzoqov Jahongir Ahmedov rejissorligi ostida suratga olingan "Uylanish" filmida bosh qahramon obrazini yaratish bilan birga film uchun maxsus saundtrek qo'shiq ham kuyladi. Qo'shiq "Nahotki" deb nomlanib, so'zi Tohir Muhammad, g'oyasi Jasur Badalboev va musiqiy sayqal Sherzod Yosinovga tegishli. Xabaringiz bor, Alisher Uzoqov Shohida Uzoqovaning o'g'li va Ma'murjon Uzoqovning nabirasi hisoblanadi. Bu iste'dod unga ajdodlaridan o'tgan bo'lsa ajab emas.
