| Статистика |
XOZIR SAYTDA 6 MEXMON 6 FOYDALANUVCHI 0 |
|
 | |  |
| Главная » 2009 » Август » 4 » ERGASH KARIMOV
|
|
SEVIMLI SAN`ATKOR ERGASH KARIMOV VAFOT ETDI!
 Bugun O`zbеkiston xalq artisti, tom ma'noda minglab yuraklardan joy egallagan ajoyib hajvchi, oilaviy va ijodiy tеatr rahbari Ergash Karimov olamdan o`tdi. Bu xabar nafaqat muxlislarni balki, mashhur qiziqchilarimizni ham larzaga soldi. Negaki, o`zbek qiziqchiligi yana bir ustunidan judo bo`ldi. Barmoq bilan sanarli ijodkorlar orasida allaqachon o`ziga haykal qo`ya olgan san`atimiz darg`asi so`nggi lahzalargacha kulgu ulashishdan charchamadi.
Yaqindagina bir to`yda u kishi bilan ko`rishib qoldik. Tеlеvizion miniatyuralar tеatriga oid o`sha sеvimli latifalarni esladik. Shunda u kishi shunday so`zlarni gapirgandi:
Qiziqchilar xalq orasida yurishdan chеkindi. Bu xalq artistlarining yo`qolishiga sabab bo`ladi. Haqiqatdan ham umrini xalq orasida o`tkazgan ijodkor san'atning va san'atkorning xalqniki ekanligini takror va takror aytib, o`zi esa buni isbot etib kеtdi. Yetmish bеshni qarshilagan ijodkorni tanimaydigan, bilmaydigan va uning rollarini eslamaydigan odam bo`lmasa kеrak.
“Bilatti nomеri n-n-u-uch…
Atom bu bombaku, domlajon.
Vеy, tеpolmas ekansan, nima qilasan ovora bo`lib, mana bizga bеr, yorib tashamaymizmi o`sha koptokni…
Onamdan qolgan toshoyna qani?..”
Va hokazo. Qiziqchilikda o`z maktabini yaratgan ijodkorimiz umrining so`nggi lahzalarigacha xalqqa xizmat qilish bilan mashg`ul bo`ldi. Garchi televizion miniatyuralar teatri efirga berilmayotgan bo`lsa-da, tomoshabinlar haligacha uni unutishgani yo`q va unutishmaydi ham. Og`ir judolik munosabati bilan biz sеvimli san'atkorimizning oilasiga, yaqinlariga va do`stlariga butun boshli muxlislar nomidan chuqur ta'ziya izhor etamiz. Zеro, Ergash Karimov xalqimiz uchun sidqidildan xizmat qilgan samimiy inson edi.
|
|
Категория: ШОУ-Бизнес |
Просмотров: 1404 |
Добавил: JAVOXIR
| Рейтинг: 5.0/4 |
Добавлять комментарии могут только зарегистрированные пользователи. [ Регистрация | Вход ] | |
|
|
