| Статистика |
XOZIR SAYTDA 8 MEXMON 8 FOYDALANUVCHI 0 |
|
 | |  |
| Главная » 2009 » Август » 2 » Enrike Iglesias
|
|
Enrike Iglesias 
Enrike Iglesias — 1975-yil 8-mayda Ispaniyaning Madrid shahrida tug‘ilgan. Otasi mashhur lotinamerikalik qo‘shiqchi Xulio Iglesias va onasi taniqli jurnalist Izabel Praysler xonim o‘g‘li 3 yoshga to‘lganida ajrashib ketishgan. Enrike boy oilada tug‘ilgan bo‘lsada, oddiy maktabda o‘qigan. 1983-yilda Enrike otasining yoniga Mayamiga ko‘chib o‘tadi. U otasi kabi qo‘shiqchi bo‘lishni istasa, otasi o‘g‘lini tadbirkor sifatida ko‘rishni orzu qilardi. Mayamida universitetga o‘qishga kirgan Iglesias, bir yildan so‘ng uni tashlab ketdi. Chunki musiqa uning qalbini zabt etishga ulgurib bo‘lgandi. Qachonlardir baribir katta sahnada qo‘shiq aytishiga ishongan Iglesias topgan pulini qo‘shiq yozdirish uchun yig‘a boshladi. O‘z ustida tinimsiz ishlagan, izlangan yosh Enrike maqsad sari intildi va o‘zi orzu qilganidan ham ortiqroq natijalarga erishdi. U o‘ziga xos ovozi, sahnada o‘zini tutishi hamda muhabbat haqidagi manzumalari bilan muxlislari qalbini o‘ziga rom eta oldi. Konsert vaqtida sahnada harakatlanayotgan Iglesiasdan ko‘zni uzib bo‘lmaydi. U zaldagilarni o‘zi bilan jo‘r ovozda kuylata oladi. "Gavai" yozuvi tushirilgan mayka hamda jinsi shimda yurishga o‘rgangan Iglesias sahnaga ham shunday chiqishni yoqtiradi.
Mashhur, puli ham bisyor bo‘lgan Enrike, ba’zi taniqli va puldor kishilarga o‘xshab kibr - havoga berilmagan. Do‘stlarining aytishicha, u hamon sodiq do‘st va istagan paytda kerakli maslahat berishga hamda ma’naviy qo‘llab - quvvatlashga tayyor turadi. Enrikening gaplariga ko‘ra, u bo‘sh vaqtini do‘stlari davrasida hamda ikki iti bilan o‘tkazishni yaxshi ko‘radi. Shuningdek, sevimli avtomobilida Mayami bo‘ylab sayr qilish unga bir olam quvonch baxsh etadi.
Enrike yosh bo‘lishiga qaramay, 116 ta platina va 227 ta oltin disk, 10 ta albom, 40 dan ortiq klip va 26 ta xalqaro mukofotlarga sazovor bo‘ldi. O‘zini qo‘shiqchi, aktyor, bastakor sifatida sinab ko‘rgan Enrike so‘nggi yillarda omadli prodyusser sifatida ham tanildi.
Shaxsiy hayotiga kelsak, Enrike ko‘pgina qizlar bilan uchrashib turadi, biroq yonida o‘zining yakkayu yagona sevgilisi bo‘lishini orzu qiladi. Oxirgi 6 yil uni rossiyalik mashhur tennis ustasi Anna Kurnikova bilan ko‘rish mumkin.
|
|
Категория: YULDUZLAR BIOGRAFIYASI |
Просмотров: 2173 |
Добавил: JAVOXIR
| Рейтинг: 5.0/1 |
Добавлять комментарии могут только зарегистрированные пользователи. [ Регистрация | Вход ] | |
|
|
