Rejissyor Farxan Axtar “Don-2”ni o‘sha aktyorlar ishtirokida suratga oladigan bo‘ldi. Suratga olish ishlari 2010 yilda Irlandiya va Berlinda bo‘lib o‘tadi. Farxanning aytishicha, Shohruh filmda dahshatli tryuklarni amalga oshiradi.
“Don-2” Dulbin, Irlandiyada suratga olinadigan birinchi hind filmi bo‘ladi. Bungacha u yerda birorta hind film tasvirga tushirilmagan. “Filmning davomi birinchisidan biroz bo‘lsa ham yaxshiroq chiqishi uchun qo‘limizdan kelgancha harakat qilamiz. Birinchisi rimeyk (Amitabx Bachchan ishtirokidagi xit) edi, bunisi esa original stsenariy asosida ishlanadi va Shohruh uchun ham, Farxan uchun ham ancha murakkab bo‘ladi”, — dedi prodyuser Ritesh Sidxvani.
Priyanka Chopra bu filmda ham suratga tushadi. “Biz Shohruh, Priyanka, Boman Irani, Arjun Rampal va Om Puridan iborat aktyorlar guruhini saqlashga urinyapmiz. Faqat birinchi qismda o‘lganlargina suratga tushmaydi”, — dedi Sidxvani.
