| Статистика |
XOZIR SAYTDA 1 MEXMON 1 FOYDALANUVCHI 0 |
|
 | |  |
| Главная » 2009 » Июль » 25 » «ПАХТАКОР»НИНГ ЯНГИ ПОСБОНИ ҲАҚИДА
21:23 «ПАХТАКОР»НИНГ ЯНГИ ПОСБОНИ ҲАҚИДА |
|
«ПАХТАКОР»НИНГ ЯНГИ ПОСБОНИ ҲАҚИДА 
Эркин Жабборов Ўзбекистон миллий терма жамоаси таркибида бир учрашув ўтказган. Ўшанда у Тошкентда Иорданияга қарши бўлиб ўтган ўртоқлик беллашувида майдонга тушган.
Эркин дарвозани қўриқлаган дақиқаларда дарвозаси дахлсизлигини сақлаб қолган.
Ўзбек футболида ўз ўрнига эга бўлган дарвозабонлардан бири Анвар Жабборовнинг ўғли Эркин охирги йилларда ишончли ўйин кўрсатиб, мухлислар ва мутахассислар эътиборига тушди.
Эркин катта футболдаги фаолиятини 19 ёшга тўлганда биринчи лигада бошлаган. Истеъдодли дарвозабоннинг биринчи жамоаси Сирдарё вилоятининг “Гулистон” жамоаси бўлган. Ушбу клубда икки йил ўйнагач, туғилган шаҳри жамоаси “Зарафшон”да бир мавсум фаолият юритди. Шундан сўнг Жабборов олий лигада ўйнай бошлади. У кучлилар сафидаги фаолиятини Сариосиёнинг “Тўпаланг” жамоасида бошлаган ва дебютини 2007 йилда ўтказган. 17 март куни Сариосиёда Бекободнинг “Металлург” клубига қарши ўйинда у дебютини нишонлаган. Ўша куни у рақиб ҳужумчиларига гол уриш имкониятини бермаган - 2:0. Иккинчи даврада эса кенжа Жабборов Қаршига йўл олган. “Тўпаланг”да намойиш этган ишончли ўйинлари сабабли “Насаф” жамоаси уни ўз сафига таклиф қилган. Қарши жамоасида роппа-роса бир ярим мавсум ўйнагач, у олий лигада дебютант ҳисобланган “Хоразм”га кўчиб ўтди. 2009 йилги мавсумнинг биринчи ярмини Урганчда ўтказди ва жамоасининг яхши натижаларни қайд этишига ўз ҳиссасини қўшди.
Энди эса Эркин “Пахтакор” футболчисига айланди. Умид қиламизки, моҳир дарвозабон футболимиз байроқдори сафида ҳам ўз ўрнига эга бўлади ва “Пахтакор” билан бирга катта муваффақиятларга эришади.
Ҳозиргача Эркин “Пахтакор”га қарши тўрт марта майдонга тушган: “Тўпаланг” сафида бир, “Насаф”да икки ва “Хоразм” таркибида бир марта. Ўша учрашувларда “Пахтакор” 3 бор ғалаба қозонган ва бир марта дуранг натижа қайд этилган (мос равишда) – 2:1 (Кападзе, Жепаров - Мирзаев), 1:0 (Ихеруоме), 2:0 (Гейнрих, Исмоилов) ва 1:1 (Ф.Тожиев).
Мавсум Жамоа Ўйинлари (дақиқа) “Қуруқ” ўйинлари Ўтказган голлари
2004-05 “Гулистон”
2006 “Зарафшон”
2007 “Тўпаланг”, “Насаф” 29 (2610) 6 39
2008 “Насаф” 15 (1350) 8 8
2009 “Хоразм” 15 (1350) 4 15
ЭРКИН ЖАББОРОВ
Туғилган санаси: 24.08.1985.
Туғилган шаҳри: Навоий.
Амплуаси: дарвозабон.
Ўйнаган жамоалари: “Гулистон”, “Зарафшон”, “Тўпаланг”, “Насаф”, “Хоразм”.
2009 йилнинг 21 июлидан бошлаб “Пахтакор” аъзосига айланди.
|
|
Категория: Новости Футбола |
Просмотров: 1068 |
Добавил: JAVOXIR
| Рейтинг: 0.0/0 |
Добавлять комментарии могут только зарегистрированные пользователи. [ Регистрация | Вход ] | |
|
|
