“Ko‘zlarimni yashirsam” qo‘shig‘iga nihoyat klip ishlagan xonanda Lola Ahmedovaning shu kunlarda bosh qashishga vaqti yo‘q desam, ishonavering.
Chunki tinib-tinchimas qo‘shiqchi ayni paytda magistraturaga kirish uchun imtihonlarga tayyorgarlik ko‘ryapti. Biroq Lola qaysi universitetning qaysi fakultetida tahsil olmoqchiligini oshkor qilmayapti.
Xonanda uchun hozir o‘qishga tayyorgarlik bir tomon, uzoq kutilgan kontsert dasturiga tayyorgarlik bir tomon bo‘lib turibdi. Chunki Lola Ahmedova yaqin orada kontsert dasturining qachonga belgilanganini ma’lum qiladi.
