61 ёшли машҳур актёр Сильвестр Сталлоне иштирокидаги «Рэмбо-4» номли фильм бундан олдинги барча саргузашт-жангари фильмларидан ўлдирилган персонажларнинг сони кўплиги билан рекорд кўрсаткичга эга бўлган.
«The Los Angeles Times» муаллифи Жон Мюллернинг айтишига кўра, фильм картиналари Бирмада олинган ва унда 236 та персонажнинг жангдаги ўлими билан боғлиқ тасвирлар мавжуд. Қаҳрамонлар турли усуллар — бомба, пичоқ, қўл кучи, мина, граната, ўқ ва огнемёт олови билан ўлдирилади. Бу фильмда ўлдирилганлар сони 1988 йилда эфирга узатилган навбатдаги қисмидагидан икки баравар кўпдир. Фильмнинг ўтган қисмида 132 киши ўлдирилган бўлса, 1985 йилда эфирга узатилган «Рэмбо II» фильмида мурдалар сони 69 та эди. «Рэмбо: биринчи қон» фильмида эса бор-йўғи битта персонаж ҳалок бўлади.
