| Статистика |
XOZIR SAYTDA 4 MEXMON 4 FOYDALANUVCHI 0 |
|
 | |  |
| Главная » 2009 » Июль » 5 » TEST
|
SIZ QANDAY ODAMSIZ?
Insonlar, ularning fe’l atvori ham turlicha. Shunday paytlar bo‘ladiki, biz o‘zimiz bilan yonma-yon yashayotgan, bir havodan nafas olayotgan odamning aslida qandayligini anglay olmaymiz. Shu kamchiligimiz tufayli hayotda ko‘p bor qoqilamiz, kechirilmas xatolarga yo‘l qo‘yamiz. Quyidagi test barchangizga qanday inson ekanligingizni aniqlab bersa ajab emas.
1. Dugonangiz, yaqin do‘stingiz sizdan katta pul qarz so‘radi. Tutadigan yo‘lingiz?
a) Meni xasis demasligi uchun albatta qarz beraman.
b) Moliyaviy ahvolimdan, do‘stim yoxud dugonamning muammosi katta-kichikligidan kelib chiqib qarz beraman.
v) Qarz bermaslik uchun arzirli bahona o‘ylab topaman.
2. Bolalar oilada ko‘proq kimga o‘z muammolarini aytishadi?
a) Kimgayam aytishardi? Dadasi ishda, shuning uchun onasiga aytadi.
b) Agar bola tarbiyasi bilan er shug‘ullansa, u bolalar g‘irt ahmoq bo‘lib ulg‘ayishadi.
v) Agar ruhiy muammolar bo‘lsa, onasiga, o‘qish, ish masalasi bo‘lsa, otasiga murojaat etishadi.
3. Oilangizda kim ovqat tayyorlaydi, axlat tashlashga chiqadi, idish-tovoqlarni yuvadi?
a) Er zarur bo‘lgandagina uy yumushlariga ko‘maklashadi.
b) Agar erga uy yumushlari ishonib topshirilsa, hammasini keyin qaytadan bajarib chiqish kerak bo‘ladi.
v) Bizning huquqlarimiz bir xil. Shunday ekan, er-xotin birgalikda uy yumushlarini bajaramiz.
4. Siz ishxonangizda birdan yuzlab ishlarni bo‘yningizga olasizmi yo tartib bilanmi?
a) Mabodo hamkasblarim iltimos qilishsa, ularning yumushlarini ham o‘z bo‘ynimga olaman.
b) Ishni hech kim menchalik do‘ndira olmaydi. Basharti kimdir shu ishni amalga oshirgan bo‘lsa-da, baribir keyinroq o‘zim boshqatdan kirishaman.
v) Ishxonada har kimning o‘z vazifasi bor. Agar menga qo‘shimcha ish beriladigan bo‘lsa, darhol boshliqqa bu ish mening majburiyatimga kirmasligini aytaman.
5. Tez-tez atrofdagilarga tanbeh berib, ularni hayotga o‘rgatasizmi?
a) Begonalar bilan ishim yo‘q. O‘zimnikilarni esa albatta o‘rgataman.
b) Men bilgan odamlar shundoq ham hayotda to‘g‘ri yashashga intilishadi. Lekin ehtiyot shart ba’zida tanbeh berib turaman.
v) Men aqli-hushi joyida odamga hayotdan dars berish keraksiz narsa deb o‘ylayman.
6. Ishxonada, oilada tez-tez sizning fikringiz bilan hisoblashishadimi?
a) Bizning oilada doimo so‘nggi qarorni erkak, ishxonada esa boshliq chiqaradi.
b) Agar ishxona va uyda mening ishtirokimsiz muammo hal bo‘lishiga ishonmasam, albatta, o‘z fikrimni o‘tkazishni burchim deb bilaman.
v) Men hamisha boshqalardan o‘tib nasihatgo‘ylik qilmaslikka, yonimdagilarning fikri bilan hisoblashishga urinaman.
NATIJALAR:
QAYSI JAVOBDAN KO`PLIGIGA QARAB XISOBLANG
“A” javoblar uchun. Siz anchagina ko‘ngilchan odamga o‘xshaysiz. Sizga yaqin odamlar bundan foydalanishga urinishadi. Muammolarini osonlikcha bo‘yningizga yuklab qo‘yaverishadi. Yo‘q, har kimning yo‘rig‘iga yurib ketaverishingiz noto‘g‘ri. Tanlab ish tutishga o‘rganing. Shunday qilsangiz, oddiy qilib aytganda, “Six ham, kabob ham kuymaydi”. Toki, bir kun kelib boshingiz balodan chiqmay qolmasin.
“B” javob uchun. Bir qaraganda, siz balogardonday tuyulasiz. Agar ishxonada bir kun bo‘lmasangiz, ish to‘xtab qoladigandek tuyuladi. Aslida unday emas. Dunyo sizsiz ham yashayveradi. Endi ko‘zingizni kattaroq oching. O‘zga muammolardan hiyla uzoqroq bo‘lishga harakat qiling.
“V” javob uchun. Siz anoyi emassiz. Boshqalar o‘z maqsadi yo‘lida sizdan foydalanishlariga yo‘l qo‘ymaysiz. Oilada, ishda o‘z majburiyatingizni aniq belgilab olishga ustasiz. Lekin sizga ham picha yumshoqlik zarur. Negaki, zarur bo‘lganda do‘stlarga ko‘maklashib yuborish biz insonlarga xos fazilatdir.
|
|
Категория: Тесты |
Просмотров: 2233 |
Добавил: JAVOXIR
| Рейтинг: 5.0/1 |
Добавлять комментарии могут только зарегистрированные пользователи. [ Регистрация | Вход ] | |
|
|
