| Статистика |
XOZIR SAYTDA 5 MEXMON 5 FOYDALANUVCHI 0 |
|
 | |  |
| Главная » 2009 » Июнь » 7 » SIZ UCHUN
|
|
O‘Z MUAMMONGIZNI O‘ZINGIZ YECHA OLASIZMI?
Hayotda shunday lahzalar bo‘ladiki, boshimizga tushgan qandaydir ko‘ngilsizliklardan azoblanamiz, oddiyroq qilib aytganda, o‘z yog‘imizda o‘zimiz qovurilamiz. Kimdir yaqin do‘st qidiradi, kimdir qiziqarli mashg‘ulot izlay boshlaydi. Maqsad bitta — shu muammodan sirg‘alib chiqib ketish. Ammo besh barmoq baravar emas. Gohida o‘zimizning aslida kim ekanimiz, shunday kutilmagan hodisalarni qanday baholash haqida bir to‘xtamga kela olmaymiz. Quyidagi test aynan shu jumboqni yechishda yordam berishi mumkin. Javoblar ball bilan baholanadi.
1. Muammolaringiz haqida kimgadir gapirasizmi?
a) Yo‘q, bu muammoning yechilishiga yordam bermaydi. (3 ball)
b) Ha, ko‘nglimga o‘tiradigan odam bo‘lsa. (1 ball)
v) Har doim ham aytavermayman. Hammaning o‘z tashvishi yetib ortadi. (2 ball)
2. Ko‘ngilsizlik yuz bersa juda qattiq qayg‘uga botasizmi?
a) Ha. Tushkunlikka tushib qolaman. (4 ball)
b) Hammasi vaziyatga bog‘liq. (0 ball)
v) Taqdirga tan beraman. Chunki, ertami-kechmi, har bir muammoga yechim topilishiga ishonaman. (2 ball)
3. Nimadandir xafasiz. Shunday paytlarda nima qilasiz?
a) O‘zim azaldan orzu qilgan mashg‘ulot bilan shug‘ullana boshlayman. (0 ball)
b) Eng yaqin do‘stlarimni qidirib topaman. (2 ball)
v) Uyga qamalib olib, o‘zimga o‘zim achinaman. (4 ball)
4. Yaqin kishingiz sizni xafa qilsa, qanday yo‘l tutasiz?
a) O‘z yog‘imda o‘zim qovrilaman. (3 ball)
b) Sababini tushuntirib berishini talab qilaman. (0 ball)
v) Duch kelgan odamga hasrat qilaman. (1 ball)
5. Sizni bir daqiqalik baxt qurshab olsa-chi?
a) Baxt haqida o‘ylashga odatlanmaganman. (1 ball)
b) Shu baxtim ketib qolishini o‘ylab xavotirga tusha boshlayman. (3 ball)
v) Hayotda baxtdan boshqa qay-g‘ular borligini ham eslayman. (5 ball)
6. Ruhshunoslarga munosabatingiz?
a) Men ularga mijoz bo‘lishni sira xohlamasdim. (4 ball)
b) Ular ko‘pchilikka yordam berishadi. (2 ball)
v) Odam o‘ziga o‘zi ham yordam bera oladi. (3 ball)
7. Taqdir sizningcha:
a) U doimo meni sinagani-sinagan. (5 ball)
b) Menga adolatsiz. (2 ball)
v) Men taqdirimdan nolimayman. (1 ball)
8. Sevimli kishingiz bilan janjallashib qolgansiz va arazingiz tarqagach, nimalar xayolingizdan o‘tadi?
a) O‘tmishda boshimdan o‘tgan yaxshi ishlar haqida. (1 ball)
b) O‘zimning hech kimga aytmagan orzularim og‘ushiga cho‘maman. (2 ball)
v) Shu odam bilan yashab qancha ko‘rgiliklarni boshimdan o‘tkazganimni ko‘z oldimga keltiraman. (3 ball)
NATIJALAR:
7-15 ball.
Siz ko‘ngilsizliklarga oson ko‘nikasiz. Boshga tushadigan har qanday qayg‘u, alamlarga o‘z nuqtai nazaringizdan kelib chiqib, xolisona baho bera olasiz. Ayniqsa, o‘zingizga achinmasligingiz maqtovga sazovordir. Siz bilan har qanday odam faxrlansa arziydi.
16-26 ball.
Taqdiringizdan tez-tez nolib turasiz. Xudo ko‘rsatmasin, hayotingizda qandaydir ko‘ngilsizlik, baxtsizlik yoki jiddiy muammolarga ro‘baro‘ kelib qolsangiz, tamom! Darhol aybni boshqalarga ag‘darasiz-qo‘yasiz. O‘zingizga kimlardir achinish nazari bilan qarashlarini, shafqat, mehr ko‘rsatishlarini xush ko‘rasiz. Balki, o‘zingizni o‘zingiz boshqarish payti yetgandir-a?
27-36 ball.
Ha, Xudo sizga hech qachon qayg‘uli onlarni yubormasin ekan. Tushkunlikka tushasiz-qolasiz. Negaki, mustaqil hayotda hamon o‘z o‘rningizni ruhan topib ulgurmagansiz. Sal qiynalsangiz, qoqilsangiz, shu zahoti yaqinlaringiz, do‘stlaringiz, tanishlaringiz huzuriga chopasiz. Ulardan shu muammongizni hal etib berishlarini so‘raysiz. Kerak bo‘lsa, yalinib-yolvorishdan ham tap tortmaysiz. Hoy, ko‘zingizni oching. Ko‘zlaringiz ko‘rib, oyoqlaringiz yurib, qo‘llaringiz tutib, yuragingiz urib turibdi. Tog‘ni ursa, tolqon qiladigan ruhiy kuchga egasiz-u, nega qo‘rqasiz? Tashvish, muammo kimlarning boshiga tushmaydi, deysiz. O‘zingizni qo‘lga oling-u, mustaqil bo‘lishga o‘rganing.
|
|
Категория: Тесты |
Просмотров: 1338 |
Добавил: JAVOXIR
| Рейтинг: 5.0/3 |
Добавлять комментарии могут только зарегистрированные пользователи. [ Регистрация | Вход ] | |
|
|
