| Статистика |
XOZIR SAYTDA 2 MEXMON 2 FOYDALANUVCHI 0 |
|
 | |  |
| Главная » 2009 » Июнь » 6 » PREMERA
|
|
«TANGRI YARATGAN JUFTLIK» 
Shu kunlarda poytaxtimiz kinoteatrlarida “Tangri yaratgan juftlik” (“Rab Ne Bana Di Jodi”, 2008) romantik komediyasi namoyish qilinyapti. Bu filmda Bollivud superyulduzi Shohruh Xon va debyutant aktrisa Anushka Sharma suratga tushgan.
“Tangri yaratgan juft-lik”ni “O‘g‘irlanmagan kelin”, “Sevishganlar” singari xit filmlarni yaratgan rejissyor Aditya Chopra suratga olgan. Prodyuser — Yash Chopra.
Syujet
Film voqealari Ta-ni Gupta (Anushka Sharma)ning to‘yidan boshlanadi. Shu kuni Surinder Saxani (Shohruh Xon) u bilan uchrashadi. Tani — ustozining qizi. Kuyov yaqinlari bilan avtohalokatga uchrab o‘lganidan so‘ng otasi Tanini kamtar va olijanob Surinder, ya’ni Suriga turmushga berishga qaror qiladi. Tani o‘lim to‘shagida yotgan otasining so‘nggi tilagiga qarshi chiqolmaydi. Shunday qilib, ular turmush qurishadi. Professor vafot etadi, Tani erining uyiga jo‘naydi.
Iztirob o‘tida qovrilayotgan Tani erlik huquqini da’vo qilishga botinolmagan Suriga: “Men sizga yaxshi xotin bo‘laman, lekin sizni sevolmayman. Endi mening qalbimda muhabbatga joy yo‘q!” — deb aytadi. Yosh rafiqasining ko‘zlarida iztirob emas, quvonchni ko‘rishni istagan Suri hech kimning xayoliga kelmagan ishga qo‘l uradi. U raqs maktabiga qatnay boshlagan Tanining yoniga butunlay boshqa qiyofada borib, o‘zini Raj deb tanishtiradi. To‘pori, ko‘p gapiradigan hazilkash Raj Taniga avvaliga yoqmaydi. Lekin keyin... Tani Rajga o‘rganib qolganini sezadi. Yigit sevgi izhor qilganida, arosatda qoladi. Ikkilanishlardan charchagan qiz u bilan qochib ketmoqchi ham bo‘ladi, ammo raqs musobaqasining yakuniy bosqichi arafasida ibodatxonada ibodat qilayotib, Surini tashlab ketolmasligini, ularni Tangrining o‘zi topishtirganini anglab yetadi...
Musiqa va raqslar
“Tangri yaratgan juftlik” qo‘shiqlari bastakorlar Salim-Sulaymon tomonidan yaratilgan. Bu film tomoshabinni faqat kulishga emas, balki raqs tushishga ham undaydi. Unda xoreografiyaning yuksak namunalarini ko‘rishingiz mumkin. Shohruh bilan Anushkaning shiddatli raqslari ularning bu sahnalarga qanchalik jiddiy tayyorgarlik ko‘rganidan dalolat beradi.
Sukvinder Sinxning “Haule Haule” qo‘shig‘i filmga o‘ziga xos joziba bag‘ishlaydi. Sukvinder bu qo‘shig‘i uchun “Eng yaxshi erkak qo‘shiqchi” nominatsiyasida “Filmfare” mukofotini qo‘lga kiritgan.
“Phir Milenge Chalte Chalte” (“Yana uchrashamiz yo‘l-yo‘lakay”) qo‘shig‘i sahnasi g‘oyaviy jihatdan yangiligi va eski hind filmlaridagi sahnalarning Shohruh Xon va mashhur aktrisalar Kajol, Bipasha Basu, Lara Datta, Priti Zinta, Rani Mukxerji (ular Nargis, Nutan, Elen, Sharmila Tagor va Nitu Singxlarni tasvirlashadi) timsolida ko‘rsatib berilganligi bilan e’tiborni tortadi. Bu qo‘shiqda Bollivud qiroli Raj Kapur, Dev Anand, Shammi Kapur, Rajesh Kxanna, Rishi Kapur singari faxriy aktyorlar ijrosini qanchalik sinchiklab o‘rganganini isbotlaydi.
Musiqa va qo‘shiqlarning yuqori sifatliligi film musiqiy albomlarining ko‘p nusxada sotilishini ta’minlayapti.
Premera
“Tangri yaratgan juftlik”ning Hindistondagi premerasi 2008 yil noyabrda bo‘lib o‘tgan.
Daromad
Film namoyish etilgan birinchi kundayoq butun Hindiston bo‘yicha 7,5 kror rupiy daromad keltirdi. Ikkinchi kuni bu ko‘rsatkich 10 krorga yetdi. Ilk haftadagi daromadi bo‘yicha “Tangri yaratgan juftlik “Yash Raj Films” kompaniyasining avvalgi xiti — “Tezlik-2” (“Dhoom-2”)dan ham o‘tib ketdi. To‘rtinchi haftada AQShda 1, Buyuk Britaniyada esa 2 million dollar to‘pladi.
“Tangri yaratgan juftlik” butun dunyo bo‘yicha 29 914 469 dollar daromad keltirdi.
Ijro
Bu filmda Shohruhni butunlay boshqa qiyofada ko‘rasiz. Uning ham o‘ta jiddiy, yuvosh, ham to‘pori yigitni o‘ynashi iste’dodining ko‘p qirrali ekanini isbotlaydi. Anushka Sharma birinchi rolini qoyillatib o‘ynagan, uni boshlovchi aktrisaga o‘xshatmaysiz
MaVeRicK
|
|
Категория: QIZIQARLI |
Просмотров: 1801 |
Добавил: MaVeRicK
| Рейтинг: 5.0/1 |
Добавлять комментарии могут только зарегистрированные пользователи. [ Регистрация | Вход ] | |
|
|
