| Статистика |
XOZIR SAYTDA 5 MEXMON 5 FOYDALANUVCHI 0 |
|
 | |  |
| Главная » 2009 » Май » 28 » KARINA KAPUR
|
KARINA KAPUR 
Bollivudning go‘zal va jozibali aktrisalaridan biri Karishma Kapur 1980 yil 21 sentyabr kuni Bombeyda tug‘ilgan. Karina Garvard universitetining yuridik fakultetda tahsil olayotgan paytda Bollivudni xayoliga ham keltirmagan. Chunki o‘sha paytda Boston Karinaning ko‘ziga qiziqarliroq ko‘ringan. Ammo taqdir uni baribir hind kinosi industriyasiga yetaklab keldi. Balki buni uning tomirlaridan buvasi, ya’ni hind kinosining qiroli Raj Kapurning qoni oqayotgani bilan izohlasa bo‘lar… tag‘in kim biladi deysiz?! Karinaning suratga tushgan birinchi filmi ("Refugee") unga hech qanday muvaffaqiyat olib kelmadi, lekin ko‘pgina kino tanqidchilari bir ovozda Karina Kapur barcha tomoshabinlarni o‘ziga maftun qila olishini ta’kidlab o‘tishdi. Bu esa Bollivudga birinchi bor qadam tashlagan Karina uchun oz gap emasdi. Aktrisaning Tushar Kapur bilan suratga tushgan ikkinchi filmi barcha istagan va kutgan natijani berdi. Omad unga kulib boqdi. Shundan keyin Karina bir necha filmlarga tushish uchun ketmaket kelayotgan shartnomalarga imzo cheka boshladi. Hindistonda ko‘pchilik bashoratchi-munajjimlarga murojaat etadi. Aynan mana shunday bashoratchi Karinaning yozuviga ko‘ra, uning mustaqil, o‘ziga ishonadigan, hech qachon tavakkalchilikka yo‘l qo‘ymaydigan, mantiqan to‘g‘ri o‘ylaydigan qiz ekanligini ta’kidlaydi. Shuningdek, u ikkiyuzlamachi va yolg‘onchilarni yoqtirmaydigan, o‘ylagan narsasini to‘g‘ri yuzga ayta oladigan inson. Boshoratchi shu bilan birga Karinaning imzosiga ko‘ra u o‘zini juda yaxshi ko‘rishini, lekin shu bilan birga boshqalarni ham hurmat qilishini aytib o‘tdi. Biz esa bashoratchining keltirib o‘tgan gaplariga Karinaning tashqi ko‘rinishi, suratga tushgan filmlaridagi yaratgan obrazlaridan uning yaxshi did egasi va juda yoqimli aktrisa ekanligini qo‘shimcha qila olamiz.Shaxsiy hayotiga kelsak, Karina hozircha faqat ijodiy faoliyat bilan band. Jurnalistlarga bergan intervyularining birida Saif Ali Xon uning do‘sti va sevgilisi ekanligini tan oladi. "U menga e’tiborini, muhabbatini, vaqtini, ayol kishi o‘ylagan barcha narsalarni bera oladi. U men uchun hamma narsaga tayyor va uning uchun men birinchi o‘rinda turaman. Men ham unga xuddi shular bilan javob beraman. Saif yonimdaligi uchun Yaratganga shukur qilaman."-deydi Karina Kapur. Sevimli filmlari-Sangam, Bobbi.Yoqtirgan taomlari-italyan, xitoy oshhonasi.Sevimli aktyori - Raj Kapur.Sevimli aktrisasi - Nargiz.Yoqtirgan kiyimi - jinsi va futbolka.Yoqtirgan avtomobili-Misubisi LancerYoqtirgan sport turi - suzish.Yoqtirgan dizayneri-Janni Versache
|
|
Категория: JAHON YULDUZLARI |
Просмотров: 2336 |
Добавил: JAVOXIR
| Рейтинг: 3.0/2 |
Добавлять комментарии могут только зарегистрированные пользователи. [ Регистрация | Вход ] | |
|
|
