Kecha, ya`ni 21 May kuni ISTIQLOL san`at saroyida Alisher Fayzning konsert dasturining birinchi kuni muxlislar olqishlari bilan a`lo darajada bo`lib o`tdi. Haqiqiy ma`nodagi shou bo`ldi desak adashmaymiz. Chunki hayajonga to`la bo`lgan Alisher muxlislarni ham konsertning boshidan oxiriga qadar hayajon bilan tamosha qilishlariga astoydil harakat qildi. Sahnada uchayotgan (mubolag`asiz) raqqosalarni ko`rgan kim ham hayajonlanmaydi deysiz. Trio - Ozodbek, Alisher Fayz, Bahrom ijrosidagi qo`shiq alohida kutib olindi. Yana ko`plab boshqa konsert dasturlarida uchramaydigan yangiliklar bo`ldi, ammo Alisher hozircha sir tutishimizni so`radi, konsert tugaganidan so`ng albatta yana bu haqda yozamiz.
Mirzabek Holmedovning hangomalari konsertga ko`tarinkilik bag`ishladi.
Alisherni yoshligidagi lavhalar namoyish etilganida, xonandaning onasi quvonch ko`z yoshlarini yashira olmadi, muxlislar esa Alisherni yoshligidanoq san`atga bo`lgan qiziqishini ko`rib hayratlandilar.
Qisqa qilib aytganda, konsertga tashrif buyurgan har bir tamoshabin olam-olam taasurot bilan qaytdi. Hali yana ikki kun oldinda, ko`ramiz Alisher Fayz muxlislariga yana qanday sovg`alar tayyorlagan.

alisherfayz.uz