Assalomu alaykum!
Assalomu alaykum avvalo ushbu so’zlarni yozishdan asosiy maqsad, insonlarga chin ko`ngildagi muhabbat, sof sevgi va yuksak sadoqat tuyg`ularini ulashishdir.
Insoniyat yaralibdiki, ular orasidagi mehr-muhabbat, vafo va sevgi hislari yashab kelmoqda va shunday bo`lib qoladi ham. Albatta, kishilarning o`zaro bir-biriga bog`lab turuvchi zanjir yoxud munosabatlar maromini saqlab turuvchi tarozu-mehr, muhabbatdir! Muhabbat behad ulg`aygan tuyg`uki, go`yo dunyoning asil maqsadiga, omiliga o`xshaydi.
Hatto haq Taolo ham insondan bir narsani, o`ziga nisbatan muhabbatni kutadi va aynan shuning uchun ham muhabbat ilohiy ne`mat sanaladi. Dunyoni go`zallik qutqaradi deganlari to`g`ri, biroq go`zallikka nisbatan muhabbat bo`lsagina shunday bo`ladi, agar muhabbat bo`lmasa go`zallik ahamiyatsiz bir narsaga aylanadi. Zero, Balvzak aytganlaridek: “Hech kimni shaydo etmagan go`zallik ikki pulga qimmatdir”. |
