Meni tamom hayrona etding,
Yuragimni vayrona etding.
Sendan shafqat tilagan edim,
Qayg‘u bilan hamxona etding.

Yuragimni ado qilding-ku,
Bor-yo‘g‘imdan judo qilding-ku.
Nechun senga intilayapman,
Mehringga zor, gado qilding-ku.

Jamolingni ko‘rib lol o‘zim,
Uzolmasman sendan hech ko‘zim.
Dardlarimni tinglamasang ham,
Senga ravo eng shirin so‘zim.

Mayli, meni demasang ham yor,
Mayli, menga bo‘lmasang ham zor.
Men, baribir, seni degayman,
Sen baribir go‘zal, betakror.

Sevdora