Дата: PAYSHANBA, 2009.11.05, 15:16 | Сообщение # 1
Группа: Удаленные
...Ёшгина муслима аёл тўртинчи фарзандини туғаётиб оламдан ўтади. Аёл ўлганининг эртасига эрини ҳибсга олишади. Уйда тўрт фарзанд ёлғиз қолади. Энг каттаси балоғатга етмаган 11 яшар, энг кичиги сутдан чиқмаган. Бу чиркин дунёга келганига атиги икки-уч кун бўлган холос. Она вафотининг ўттизинчи куни бола она қабри устида кўз ёш тўкиб дерди...
БИРИНЧИ ДАРС
Бир илоҳий фармонга беш хил жавоб
Аллоҳ таоло ота-онага яхшилик қилишга – эзгуликка буюради: Роббингиз, фақат Унинг Ўзига ибодат қилишингизга ва ота-онага яхшиликка – эзгу ишга буюрди. Ал-Исро сураси 23-оят Ягона Холиққа ибодатдан кейинги энг улуғ амал – ота-онага яхшиликдир. Бунинг муқобилида энг катта гуноҳ – ягона Аллоҳга ширк келтириш, сўнгра ота-онага оқ бўлишдир. Икки табаррук инсонга оқ бўлиш маъносини уламолар қўйидагича изоҳлайдилар. Айрим олимлар:"Ота-онага ўқрайиб қараш, беадабона тик боқиш – оқликдир", дейишса, айрим олимлар: "фарзанднинг сўзи ота-онага қаттиқ ботиб, улар кўзидан қатра ёшнинг чиқмоғи – оқликдир", дейишади. Росули Акрам соллаллоҳу алайҳи ва саллам марҳамат қилиб дедилар:"Энг катта гуноҳ ҳақида хабар берайинми?! Энг катта гуноҳ – Аллоҳга ширк келтириш, сўнгра ота-онага оқ бўлиш, сўнгра ёлғон гувоҳлик беришдир" Бухорий ривояти.
Фарзандлар ота-онага яхшилик қилиш ёки қилмаслик борасида беш қисмга бўлинар экан.
Биринчи қисм
Ота-она ҳаётлигида ҳам, улар вафотидан кейин ҳам яхшилик қилгувчилар. Яъни ота-она тириклигида улардан яхшилигини аямайди. Молини, жонини, вақтини ота-онаси учун фидо қилади. Фикру зикри у иккиларини хурсанд қилиш ва уларнинг розилигини топиш бўлади. Оғзидан чиққан энг ширин сўзлар ота-онаси учун...Энг тотли, танқис таомлар ота-онаси учун... Энг яхши кийимлар ота-онаси учун... Энг гўзал муомала улар учун... Уй тўриси ҳам, қалб тўриси ҳам улар учун!! Улар учун ҳар нарсага тайёр, елиб югуради, қандай қилсам у иккиларини шод қиламан, нима қилсам у иккиларини хушнуд қиламан, қандай қилсам у иккилари мендан рози бўлишади, деб ўйлайди, изланади. Ўзи хафа бўлса ҳам, уларни хафа қилмайди, аксинча кулдиради. Ўзи киймаса ҳам уларни кийдиради, ўзи емаса ҳам уларни едиради. Ҳузурларида овозини кўтармайди, қовоқ солмайди, буйруқларига "лаббай" деб жавоб беради. Уларни доим табассум билан қаршилайди. Улар ёнида "Уф" десам охиратим куяди, деган хавфда яшайди. Уларни ранжитишдан қўрқади. Касал бўлишса, тинмай Аллоҳга ёлвориб дуо қилади. Кучли дўхтирларга кўрсатади. Ота-онани қайғуга соладиган хабарларни уларга билдирмайди. Айниқса ёш келинлар рўзғордаги камчиликлар, ҳар оилада топиладиган енгил гап-сўзларни ота-онасига ташимайди. Ҳикоя қилишларича, ота-онасини қаттиқ иззат-ҳурмат қиладиган ёш келинга эри жаҳл устида қўл кўтариб қўяди. Қиз йиғлаганича ичкари уйга кириб кетади. Шу пайт, тўсатдан, эшик тақиллайди. Йигит эшикни очади. Остонада икки қўли совға-саломга тўла қизнинг ота-онаси ҳамда акаси турарди. Ичкарида нима бўлганидан бехабар меҳмонлар кўтаринки кайфиятда уйга киришади. Ота-онаси келганидан хурсанд бўлган қиз улар истиқболига чиқади. Кўзлари қизариб кетган қизини кўрган она ҳеч истиҳола қилмай: – Ҳа, нима бўлди, йиғладингми?"- дейди. Қиз ақллилик қилиб: – Сизларни соғиниб йиғлаб ўтирган эдим, шукурким Худойимнинг ўзи сизларни етказди",-дейди. –Соғинганингда ўғлимга айтсанг, дарров уйга олиб борадилар, шундайми ўғлим?, - деб куёвга юзланади. Қизнинг кўзидек юзлари қизариб ўтирган куёв шошиб-пишиб "Ҳа, шундай",-дейди. – Йўқ, ўзимиз келамиз, - деб гапга аралашади ота. Меҳмондорчилик сўнгида қайнота куёвга катта миқдорда пул узатиб: "Камларингга ишлатарсизлар",-дейди. Оқила қизнинг гўзал тадбири билан катта-катта жанжаллар олди олинади. Ота-онасига меҳрибон бўлган қизнинг одобини кўрган йигитнинг хотинига бўлган муҳаббати янада ошади. Яхшилик, эзгулик калимаси ўз ичига олган маъноларни амалга оширганлар Аллоҳ таолонинг "ота-онага яхшиликка – эзгу ишга буюрди", дейилган оятини тадбиқ қилган бўлишади. Аллоҳ оятини амалга оширганлар эса карамли Яратгувчи томонидан дунё ва охиратда катта мукофотлар билан тақдирланадилар. Онасига ўта меҳрибон бўлган Увайсил Қорнийга "дуоси дарҳол ижобат бўлиш" хусусияти берилган, яна кимгадир ўзига ўхшаш солиҳ фарзандлар берилган, кимларнидир молини талофатдан сақланган. Мўмин ота-она ҳақини адо қиламан деб бошқа ҳуқуқларни поймол қилмайди. Вафотларидан кейин ҳам айни ўша яхшиликда давом этади. Ота-онаси суйган кишиларга яхшилик қилиш, ота-она номидан савоб амаллар бажариш каби эзгу ишларни тўхтатмайди. Ҳар қачон бошини саждага қўйганда, тасбеҳдан кейин: "Аллоҳим, ота-онамни ва у иккиларининг ота-оналарини раҳмат қилгин, гуноҳларини афв эт, офият бер, қабр азобидан ва жаҳаннам азобидан Ўзинг асра, жаннатга ҳисобсиз киргизгин..." деб дуо қилади. Абу Ҳурайра р.а ҳар куни эрталаб ишга кетаётганларида (Мадинанинг амири бўлганлар) албатта, оналарининг ёнига кириб, ҳол-аҳвол сўраб, қўйидагича саломлашар эдилар: "Ассалому алайкум онажон, мени ёшлигимда раҳм-шафқат, меҳр-муҳаббат билан ўстирганингиздек, Худованд сизни ҳам раҳм қилсин". Оналари ўғилнинг тонги дуои саломига алик олиб: "Ва алайкум ассалом ва раҳматуллоҳи ва барокатуҳ. Кексайганимда шунчалар раҳм-шафқатли, меҳрибон бўлганингиздек, Аллоҳ сизни ҳам раҳм қилсин" дер эканлар. Кеч кириб, ишдан қайтишларида ҳам айни шу ҳол такрорланарди. Бухорийнинг китобида келган. Яна бир саҳобанинг онаси иш буюрса, онасининг паст чиққан овозини англамай "нима дедингиз?" деб қайта сўрашга ботинмас экан. Онаси кетгач атрофдагилардан "онам қандай иш буюрдилар?" деб сўраб олар экан. Саъд ибн Аби Ваққос р.а оналари вафотидан кейин қудуқ қаздириб, савобини оналарига бағишлайдилар. Қадимда ота-болани ҳибсга олишади. Доим отасининг таҳоратига сув ҳозирлаб берадиган ўғил қамоқда ҳам совуқ кунлари сув иситиб беришини канда қилмайди. Хўл шохлар ёниши қийинлашиб, қамоқхона тутунга тўлиб кетади. Қўриқчилар ўғилнинг ўтин ёқишини тақиқлаб қўйишади. Ўғил эса отаси уйқуга кетиши билан ўрнидан туриб, обдастани хонадаги чироқ ёнига тутганча тик туриб сувни илитадиган бўлибди.
Иккинчи қисм
Ота-она тириклик пайтида уларга яхшилик қилмайди. Ота-она оламдан ўтгач боши деворга урилиб кўзи очилади. Ота-она қадрига улар ўлганидан кейин етади. Ибн Жавзий ўтмишда бўлиб ўтган бир воқеани ҳикоя қилиб дейди: "Ҳаж маҳалда бир солиҳ киши Каъба атрофида тавоф қилаётган ҳисобсиз ҳожиларни кўриб: "булардан қайси бирининг ҳажи қабул бўлди-ю, қайси бириники қабул бўлмади экан", деб ҳаёлидан ўтказибди. Кеч кириб бу одам уйқуга кетади. Тушида "фалончининг олдига бор, у ҳажи мақбуллардан" деган овозни эшитибди. Тушида номини эшитган кишини Макка бўйлаб қидара бошлайди. "Сиз излаётган киши хобгоҳда ётмайдилар. У кишини доим ибодатда топасиз" дейишди унга. Қидира-қидира, охири у кишини топибди. Салом аликдан кейин бор гапни унга айтиб беради. Маъюс ва маҳзун кўринган бу обид юзига табассум киради. Ва ўз қиссасини сўзлаб беради: "40 йилдан бери кўзимдан ёш тинмайди. 40 йилдан бери йиғлаб ибодат қиламан, ҳар йили ҳажга эҳром боғлайман. Бунинг сабаби бор. Бундан 40 йил муқаддам рамазон ойида уйга маст бўлиб кириб келдим. Шунчалар кўп ичган эканманки, оёқда туролмай қолибман. Зўрға уйга етиб келдим. Нима деб валжираётганимни ўзим билмайман. Эшикни очиб ҳовлига кирдим. Хотиним нон ёпмоқчи бўлиб тандирга ўт қалаётган экан. Мени маст ҳолатда кўриб: "вой шўрим, Рамазонда ҳам ичасизми?! Ичкари уйга киринг, қўни-қўшни кўрмасин, иззо бўлмайлик", деб мени ичкарига тортди. Ғазабим келди. "Қўлингни торт! Йўқол кўзимдан!" деб бақирдим. У мени ичкарига киргизмоқчи бўлди. Мен уни ўлгудай дўппосладим. Қий-чувни эшитиб онам югуриб чиқди. Бошида намоз ўқиганда ўрайдиган катта рўмоли, қўлида тасбеҳ. Онам қариб кичкина бўлиб қолган эди. Ўзи озғин, рўза ичи янада озиб кетган. "Ичдингми, Рамазонда ҳам ичасанми?! Йўлдан урган ўртоқларинг ўлсин, Рамазонда кайф қилмай ўл," деб қарғай кетди. "Ўзинг ўл!" деб онамни шартта кўтариб ловиллаб ёнаётган тандир ичига отдим. Тандир оғзини беркитиб қўйдим. Хотинимни ичкари уйга қулфлаб қўйганман, онамни тандир ичига тиқиб юбордим, ўзимни эса уйқу элита бошлади. Эртасига уйғондим. Хотиним йиғлайвериб кўзи шишиб кетибди. Устига қора кийим кийиб олган. – Тинчликми, нега йиғлаяпсан? Онам қанилар? – дедим. – Онангизни қаердалигини билмайсизми?! – деди. – Йўқ, билмайман. Онажоним қанилар? Ая, ҳув ая,- деб аям ўтирадиган уй томонга қараб бақирдим. Хаёлимда онам ичкаридан туриб, ҳозир болам, икки ракат суннат ўқиб олай чиқаман, дегандек бўлди. –Кеча маст ҳолда келиб онажонимни тандирга ташладингизку. Намозхоним, дуохонимни ўлдириб қўйдингиз-ку. Юрагим уришдан тўхтагандек бўлди. "Ёлғон!" деб қичқириб юбордим. Онам уйига чопдим. Жойнамози солиқ, Қуръони очиқ, демак онам шу ўртада. Узоққа кетса Қуръонни ёпиб кетади. "Ая! Ая-ю!" дедим. Жавоб бўлмади. Тандир ёнига чопиб келдим. Не кўз билан кўрайки тандир остида онамнинг рўмоли ва тасбеҳи ётарди. Ароқ инсонни не кўйларга солмайди-я?! Гоҳ шер бўлиб наърайсан, гоҳ қуш бўлиб сайрайсан, гоҳ маймундек сакрайсан, гоҳ тўнғиз, гоҳ ... хуллас, шакл ҳам шамойил ҳам одамийликдан чиқиб кетади... Шундан бери кўзимдан ёш тинмайди. 40 йил бўлди-ки тавба-тазарру қиламан. Ҳажга бораман. Онам учун ҳаж қиламан, ҳақларига эрта-кеч дуо қилиб, истиғфорлар айтаман, онам номидан садақотлар бераман. Хуллас, онамга етадиган савоб йўлларини излайман".
Учинчи тоифа
Ота-она тириклигида яхшилик қилиб, улар оламдан ўтгач уларни унутиб юборувчилар. Ота-она ҳақига дуо қилмайди, яхшилик йўлларини изламайди. Хўжакўрсинга дастурхон ёзиб, ҳар куни бир қўйнинг калла-поччаси билан паққос туширадиган одамларни йиғиб уларга дастухон ёзади. Буни "хайри-эҳсон" деб, ўзича савоб ҳам умид қилади.
Тўртинчи қисм
Ота-онага яхшилик қилади, лекин миннату зарда билан қилган яхшилигини ювиб ташлайди. Улар ўлгач қабрлари устини бетонлаб, мармар тош билан безатиб қўяди ва буни ўз ёнидан қилдирганини билдириб "Фарзадларидан ёдгорлик" деб катта ҳарфлар билан ўйиб ёзиб қўяди. Шу билан ота-онага бўлган яхшиликка якун ясалади. Ҳушига келиб қолса йилда икки марта ҳайит кунлари бир-бир эслаб қўяди, бўлмаса йўқ. Солиҳ фарзандлардек беш маҳал намозда Аллоҳ таолога ёлвориб дуо қилмайди.
Бешинчи қисм
Ота-онага тириклигида ҳам, ўликлигида ҳам яхшилик қилмайдиганлар. Бундайлар ўз ўзини маҳв қилган шўролар даврида, динсизлик авжига чиққан пайтда жуда кўпайиб кетди. Натижада "Қариялар уйи" деган мудҳиш жойлар пайдо бўлди. Ташидан яхшига ўхшаган бу жойлар аслида хаста жамиятнинг яраси эди. Кўрганларнинг айтишича, бир киши "Қариялар уйи"га тўрт дона иссиқ нон кўтариб зиёрат учун келади. Хонани иссиқ кунжутли ноннинг ҳиди тутиб кетади. Нон ҳидидан жунбишга келган қариялар каравотларни ғичирлатиб, шоша-пуша ўринларидан тура бошлашади. Улар худди уруш давридагидек нонни талаша кетишди. Зиёратчи нима қиларини билмай эсанкираб қолади. Шунда хона бурчагидаги каравотда ўз ўрнидан туролмаётган бир қария ёш болалардек йиғлайди: "Барака топгирлар, менга ҳам бир бурда олиб қўйинглар. Менга бир бурда бўлса кифоя, ҳой яхшилар оғзим тегиб қолсин..." Бақир-чақир ичида чолнинг хиррилаб чиққан паст овози эишитилмайди. Эшитилган тақдирда ҳам унга нон олиб қўйишнинг сира иложи йўқ эди.
Жаноб Росулуллоҳ соллоллоҳу алайҳи васаллам ерга ташланган бир бурда нонни кўриб қолдилар. Шунда Оиша онамизга қарата:"Оиша, бир уйдан юз ўгирган неъматнинг у уйга қайтиши жуда қийин", дедилар.
Сарваримиз Росулуллоҳ соллоллоҳу алайҳи васаллам Парвардигорларидан сўраб дуо қилар эдилар:"Аллоҳим, менга беражак ризқингнинг энг кенги ва мўлини кексайганимда ё умрим охирида қилгин". Охират сафарига астойдил тайёргарлик кўриладиган пайтта нонга, уй-жойга муҳтож бўлишдек ёмон нарса бўлмаса керак. Кексайганда беш маҳал масжидга қатнаш ўрнига ризқ кўйида кўчаларда сарсон кезишдек аянчли ҳол борми?! Пешонани хотиржам саждага қўйиб: "Субҳана роббиял аъла... Субҳанакаллоҳумма ва биҳамдик, аллоҳуммағфир лий. Аллоҳум мағфир лий занбий куллаҳ, диққаҳу ва жуллаҳ, аввалаҳу ва ахироҳ...деб узоқ-узоқ дуо ва зикр қилиш ўрнига, бозорда: "Кеб қолинг! Кеб қолинг!- деб бақириб, кунни кеч қилишдан кўра каттароқ зиён бормикин?
Маълумки, ўлим далил-исбот талаб қилмайдиган ҳақиқатлардандир. Тонгда чиққан қуёш, шомда ботиши қанчалар ҳақиқат бўлса, дунёга келган инсоннинг дунёдан кетиши шунчалар ойдин ҳақиқатдир. Бешик кирган уйга тобутнинг кириши муқаррар. Қувонч бор жойда қайғу бўлади. Ўлим – аниқ, лекин қачон, қаерда ва қандай ўлиш ноаниқдир. Исбот талаб қилмас бу ҳақиқатда икки ақлли инсон ихтилофлашмайди. Юқорида ота-онага яхшилик борасида фарзандларни беш қисмга бўлган эдик. Ёшгина оналаридан эрта айрилган гўдаклар қисмати ҳам асосан беш қисмга бўлинар экан. Бу дарсда, кечагина онаси қучоғида эркаланиб, она алласи билан ухлаб, она қўлидан иссиқ кулча нонлар еб, бугун ёш, гўзал онасидан айрилган оламдаги турли хил гўдакларнинг онаси қабри устида айтган сўзларига қулоқ тутамиз. Агарчи бу дил сўзларини болалар жажжи тили билан айтолмасада, забони ҳоли билан, кўзида ёши билан баралла айтмоқда.
Розиман, бўлинг ризо, Худо сиздан бўлсин ризо, Равзада ором олинг то келгунча явмул жазо. Кун келиб мен ҳам борурман ёнингизга ошиқиб, Иймон билан йўлиқмоқдир мендаги ёлғиз сазо.
Онажон! Оқ ювиб оқ тарардингиз. Жуда ғамхўр, ширинсўз, меҳрибон эдингиз. Ўйнатиб кулдирардингиз, алла айтиб ухлатардингиз. Ўзингиз қийналсангиз ҳам бизни қийнашни истамас эдингиз. Ўзингизни, сўзингизни жуда-жуда соғиниб, қумсаймиз. Дадамизнинг жон ҳолига қўймай ҳар куни "аям қачон келадилар?" деяверамиз. Синглим ҳам доим "аям, аям"деб йиғлайди. Бечора дадам аввалида бир нарсалар деб бизларни овутди, кейин эса "аянгиз келолмайдилар, аянгиз ёнига биз борамиз,"дедилар. Ҳамиша "аянгни дуо қил"деб эслатиб турадилар. Ўзлари сиздан кейин маъюс, маҳзун бўлиб қолдилар. Ошхонага кириб ҳам, уйингизга қараб ҳам йиғлайдилар. Мен дадамни кучли, қўрқмас ботир деб билардим. Сиздан кейин ёш боладек йиғлоқи бўлиб қолдилар. Аввал йиғлаганларини кўрмаган эканман. Аяжон! Катта бўлсам инша Аллоҳ, масжид, мадрасалар қураман. Китоблар ёзиб савобини сизга бағишлайман. Номингиздан яхши ишлар қиламан. Сиз ором олиб ётинг, онажон. Биздан хавотир олманг. Дадам янада меҳрибон бўлиб қолган. Бизни урушмайди, сизни кўп ёдлайди. Кўп дуо қилади.
Иккинчи қисм болалар
Аяжон, бизни ташлаб қаёққа кетдингиз?! Кўзимизни жиққа ёшга тўлдириб қаён кетдингиз?! Сиз кўмилдингизу, сиз билан бирга меҳрингиз ҳам кўмилди. Сиздан жудо бўлганимиздан кейин ширин сўз, ёқимли алла, тоза кийим, тотли таомдан ҳам жудо бўлдик. Кўйлагим озгина кир бўлса, дарров тозасини кийгизиб қўяр эдингиз, ҳозир кўйлагимнинг кирлигидан ўртоқларим устимдан куладиган бўлган. Ноилож ўзим кир ювишни ўргандим. Сиздан кейин уйимизга бошқа бир хотин келди. Кичкина ўғли ҳам бор экан. Келганининг эртасига сиз суядиган тувакдаги гулларни олиб чиқиб охлатга ташлаб юборди. – Хола, бу гулга аям ҳар куни сув қуяр эдилар. Аяжоним бу гулни яхши кўрар эдилар. Охлатга ташламанг, - дедим. –Аяжониз яхши кўрсалар, мен ёмон кўраман, тушиндийзми? Бу уйда аянгиз эмас, мен хўжайинман, - деди. Дадамга қарадим. Дадам юзини олиб қочди. Эртаси куни қарасам, сиз суйиб киядиган кўйлагингизни олиб, пақирга солди. Аям кирни бу пақирда ювмасдилар, дегани қўрқдим. Нима қиларкин, деб кутдим. Пақирга сув тўлдириб синглимга берди. – Фотима! Мана бу латтани олиб ошхонани полини ювиб чиқ, - деб буюрди. – Бу латта эмас, аяжонимни кўйлаги. Фотима пол ювишни билмайди, у хали кичик, мен пол юваман, - дедим. – Ҳув тирранча, кўп валдирама! Сенга ҳали бошқа иш бор. Аянгни кўйлаги поллаттадан бошқа нарсага ярамайди,- деб кўйлагингизни сувга ботириб-ботириб Фотиманинг олдига отди. –Тезроқ бўл, бўлмаса кечандақанги калтакдан яна ейсан,- деди. Кейин билсам, кеча Фотимани роса урган экан. Фотима қўрқоқ бўлиб қолган. Ўлганингиздан кейин кулгани йўқ. Ўлганингиздан бери унинг сочини ҳеч ким тузукроқ ювганини билмайман. Фотима ошхонани полини арта бошлади. Мен ҳовли супуришга тушдим. Авваллари сизга кўмак бермаганимни ўйлаб, юрагим эзилиб кетди. Эшик очилиб дадам кириб келди. Қўлида сўмка бор эди. Ҳалиги хотин тиржайиб келиб дадам кўлидан сўмкасини олди. Ҳаммалари сиз ўтирадиган уйга кириб кетишди. Сиздан кейин у уйга биз кирганимиз йўқ. Фотиманинг каравотида ҳалиги хотиннинг боласи ётади. Фотима эса мен билан. Бир оз муддатдан кейин уй ичидан кулги овозлари эшитилди. Узоқ кулгидан кейин ҳалиги хотиннинг ўғли ичкаридан чиқди. Бир қўлида "марожна" иккинчи қўлида "печини". Фотимага қарадим. Энгашиб пол ювяпти. Сиз доим: "мана буни еб олсанг полвон бўласан" деб овқат едирар эдингиз. Фотимани ёнгинангизга ўтирғизиб овқатлантирардингиз. Ҳозир Фотима иккимиз алоҳида ўтирамиз. Дадам, янги хотин ва унинг ўғли алоҳида ўтиришади. Аяжон, қачон қайтасиз?! Аяжон қачон бизни олиб кетасиз?!
Учинчи қисм болалар
Бу ҳодиса учига найзасимон учли темир ўрнатилган халачўпдек узун таёқчага қон рангли байроқ боғлаган шўролар даврида бўлиб ўтган. Тарихимизнинг энг кир, ўта қоронғи-зимистон кунларида бўлиб ўтган бу аянчли ҳодисани бир хонадон эмас, балки минглаб хонадонлар ўз бошидан кечирган... 1933-йиллар. Ёшгина муслима аёл тўртинчи фарзандини туғаётиб оламдан ўтади. Аёл ўлганининг эртасига эрини ҳибсга олишади. Уйда тўрт фарзанд ёлғиз қолади. Энг каттаси балоғатга етмаган 11 яшар, энг кичиги сутдан чиқмаган. Бу чиркин дунёга келганига атиги икки-уч кун бўлган холос. Она вафотининг ўттизинчи куни бола она қабри устида кўз ёш тўкиб дерди: "Онажон, Аллоҳ сизни раҳмат қилсин. Жойингиз жаннатда бўлсин. Биз ... биз яхшимиз... Сиздан кейин дадамни бир неча киши келиб, қўлини боғлаб олиб чиқиб кетишди. Шу пайтгача дараги йўқ. Уйда егулик нарса қолмаган экан, сигирни соғиб укаларимга ичказяпман. Қўшнилар бир-икки кун овқат бериб туришди, мазза қилдик. Кейин бермай қўйишди. Бир ойдан бери фақат сут ичамиз. Биздан ҳеч ким хабар олмайди. Қишлоқдагиларнинг айтишича дадамни олиб кетган одамлар тоғаларимни ҳам олиб кетишибди. Амакиларим эса йўқ эмиш. Ҳаво жуда совуқ. Яхшиямки уйимизда ўтин кўп экан, шуни ёқиб исинамиз. Қорнимиз жуда-жуда очиб кетди. Укаларим сутдан безиб қолди. Қариндошларнинг уйига укаларимни етаклаб бордим. Улар овқат еб ўтиришган экан. Киришимиз билан овқатни яшириб қўйишди. Сандал устидаги овқатни остига тиқиб қўйишди. Биз нима бўлаётганига тушинмай ўтиравердик. Овқатнинг ҳиди уйни тутиб кетган эди. Укаларим "нон, овқат" деб йиғлай бошлади. Қариндошларимиз овқат берармикин деб кутиб ўтирдим. Беришмади. Укаларимнинг йиғиси кўтарилди. Шунда қариндошимиз: "болалар уйга кетамиз, деб йиғлаяпти шекили. Уйларингга бора қолинглар", деди. Ноилож чиқиб кетдик. Уйга келсак дарвоза ланг очиқ. Суюниб кетдим. "Дадам келибди!" деб бақириб юборибман. Шунда қўшнимизнинг шум ўғли "даданг аянгни ёнига кетибди. Кеча дадам шундай деди", деб қолди. "Нафасинг қурсин", деб ичкарига кирдим. Не кўз билан кўрайки сигиримиз жойида йўқ. Уйдаги ўтинлар ҳам йўқ. Қўшниларникига кирмоқчи бўлиб эшик қоқдим, ҳеч ким эшикни очмади. Қайга боришни билмай укаларимни етаклаб сизнинг ёнингизга келдик. Онажон, нима қилай, айтинг... "
Тўртинчи қисм болалар
Бу воқеа Андалусда бўлиб ўтган. Тўқсон йил атрофида ҳукм сурган умавийлар давлати қулаб, ўрнига аббосийлар давлати ўрнатилган даврда, Андалусда умавийлардан тирик қолган амирлар катта исломий давлат барпо қилишади. Саккиз юз йил атрофида Андалусда Ислом гуллаб яшнайди. Тарқоқлик, ички низолар ва бошқа сабабларга кўра 800 йил гуркираган етук давлат парчаланади. Охирги қулаган шаҳар Ғорната шаҳридир. Андалус ҳозирда Испания ва Партугалия давлатларини ўз ичига олган. Андалусда христианлаштириш ишлари авж олади. Мусулмонлар аёвсиз қириб ташланади. Ҳикоя қилмоқчи бўлганимиз ўша мудҳиш даврда содир бўлиб ўтган. Воқеани ёш ўспирин йигит ҳикоя қилади: "Онамнинг кўзи ёриб ўғил туғди. Суюниб кетдим. Очиғини айтсам севинчим ичимга сиғмасди. Лекин онам ҳам, отам ҳам хурсанд эмас. Гўё уйимизда бола туғилмай, балки ўлганга ўхшаш ота-онам мотамсаро. Мен ҳеч нимага тушинмадим. Бола туғулган куни отам чақалоқни кичик бир уйчага олиб кириб кетди. Шу ёшга кириб ўша уйга кирганим йўқ. Ота-онам киришади холос, менга рухсат берилмайди. Бугун эса негадир чақалоқни ўша уйга олиб киришди. Кунлар ўтиб якшанба келди. Уйимизга черковдан поп келиб болани чўқинтирди. Ота-онам эса боягидек маъюс ва маҳзун. Бир куни отам менга арзимаган бир гапни айтиб "бу– сир, ҳеч кимга айтма, онанг ҳам билмасин", деб қолди. Эртаси куни онам мени ёнига чақириб "ўғлим, отанг нима деди?" деб қолди. Мен "бу – сир, ҳеч кимга айтмайман", дедим. Онам мендан гап олишга роса уринди. Мен отам сирини айтмадим. Шунда онам: "менинг ҳам сенга айтадиган гапим бор, ҳеч кимга айта кўрма, ҳатто отанг сўраса ҳам айтма", деб оддий бир гапни айтди. Онам сир, деб пичирлаб айтган гапи сирликка арзимайдиган оддий гап эди. Ноилож уни ҳам сир сақладим. Бу гал отам келиб онам менга айтган гапни билишни истади. Айтмадим. Кўп уринди, лекин мендан бир дона калима ололмади. Шунда онамни чақириб: "Онаси, ўғлинг сир сақлайдиган катта йигит бўлиб қолибди. Энди унга қўрқмай, бор гапни айтсак ҳам бўлаверади, - деб менга юзланди. – Ўғлим, онанг билан менинг сир айтиб, у сирни билишга уринишимиз сени синаш, имтиҳон қилиш эди. Шукурким, сир сақлайдиган мард йигит бўлибсан. Биз сенга ҳозир бошқа бир катта сирни айтмоқчимиз. Мен билан юр",- деб мени бояги кичик уй томон бошлади. Наҳот мен ҳам шу уйга кираман-а, деб ўйладим. Уйга кирдик. Уй қопқоронғи эди. Отам чироқ ёқди. Менга узоқ тикилиб турди. Нималардир демоқчи бўлди, негадир гапирмади. Токчага бориб латтага ўралган бир нарса олди. Сўнг сўз бошлади. "Ўғлим, биз христиан эмасмиз. Биз мусулмонмиз. Муҳаммад алайҳис саломнинг умматимиз. Мана бу – муқаддас китоб Қуръони Карийм",-деди. Ва менга таҳорат, намозликни ўргатди. Кейинчалик билсам, ота-онам бу уйга кириб намоз ўқир экан, Қуръон тиловат қилар экан. Укам туғилганда бу хонага киришининг сабаби, укамга ўша куни ўнг қулоғига азон чап қулоғига иқомат айтишган экан. Отам сўзида давом этиб:"Ўғлим, амакингга қаттиқ итоат қил", деб тайинлади. Эртаси мен мактабга келдим. Дарс пайти амаким келиб, мени чақирди. – Жиян, юр кетдик, - деди шошилиб. – Қаёққа? – Қаёққалигини сўрама, тезроқ бўл! – Китобларимни олай ахир. – Йўқ, китоб-питоб олмай, тезроқ мен билан юр,-деди. Мен амаким билан шошиб денгиз соҳилига келдик. Кемага миндик. Мен шунда ҳайратланиб: –Амаки, қаёққа кетаяпмиз? Аям-дадамдан изн сўрамайсизми? – дедим. – Даданг "амакингга итоат қил"деб айтганми? – Айтган. – Бўлмаса, ҳар-хил савол бермай жим кет. – Хўп бўлади. Кема бизларни мен билмайдиган жойга ташлади. Кемадан тушганимиздан кейин амаким хўрсиниб гап бошлади: –Укагинам, оғир бўл. Ота-онангни мусулмонлигини билиб қолишди, сабр қил. Отанг менга "ўғлимни олиб тезроқ қочинглар. Бизни энди тинч қўйишмайди", дегани учун сени шу ерга – мусулмонлар юртига олиб келдим. Андалус қулагандан кейин мусулмонлиги аниқланган эркагу аёл ваҳшийларча ўлдирилар эди. Таҳқиқ йўллари эса кўп. Уйида ҳаммом бўлиши, жума куни чўмилиши, хатна қилиниши кабилар билан кишининг мўмин ё мўмин эмаслиги аниқланар эди. Қисса қаҳрамони ота-онаси қандай ўлдирилганидан бехабар. Қаерга кўмилганини ҳам билмайди. Аслида улар кўмилганми ёки йиртқич ҳайвонларга ем қилинганми, униси ҳам қоронғу. Чақалоқ тақдири номаълум. Йигит эса катта мусулмон олим бўлиб етишади.
Бешинчи қисм
Бу қисмдаги болалар ҳам ота-оналарини қаерга кўмилганини билишмайди. Ота-оналарининг тирик, ўлигидан бехабарлар. Оталари ким, оналари ким билишмайди. Бор-йўқ билганлари, оқ халатлик тарбиячилар, қаттиқ қўл мудир ва бахил завхоз-у баджаҳл қоровул. Яшайдиган уйлари тепасига "Болалар уйи"деб ёзиб қўйилган. У бечоралар она ҳақига дуо қилишни ҳам, қарғаб, лаънат ўқишни ҳам билмайди. Етимлар улғайиб, қўли пул кўргач "оналар" ҳам қайдандир пайдо бўлиб қолади. Осмондан тушганми, ердан чиққанми, буни билиш қийин.
Дата: CHORSHANBA, 2010.10.13, 16:10 | Сообщение # 27
Группа: Удаленные
uzimmi boshimdan utgn bir voqeani etib beraman,utgan yil qish oylari edi 4 kun 39-40 istmada yurdim grip bugandim juda yomon buldim uchip yurgande bulardim isitma chiqqanda 5 kun kuchaga chiqtim uyda utirip siqilib ketudim dengiz buyiga bordim 2 soat ushatta utrdm suvga qarap keyin uyga kettim,onamla va opamla va man dasturhon atrofida utrip ovqatlandik,yigishtrip keyn gaplaship utrdik ma tussat sovyishi boshladim sovyish borgn sari kuchayip bordi yana isitma kutarildi,borgan sari yomonlaship borvomman atrofimda buvotgan hamma naradanhabrorman lekin uzimmi boshqaromayomman onaml utrip uqiwottila kotta opam yuzimga suv sepvotti hich narsa tasir qimayopti,qul oyogim ishlami qoldi,kalima keltrdiyshvotti tilim aylanmayopti faqatgina LAAAAAA dib aylanib ketadi dilimda etolvotman lekin til hich aylanmayopti qurqip ketvomman kuzimga atrofdigi rasimla qurqinchli bir mahluq rasmide kurinvotti,u orada telefon jiringlavotti uni ashulasi mahluq bariqvotgande juda yomon ovozbup eshitilvotti qizigi shundakiikki yol kurindi kuzimga biri obod biri korimsiz haroba,keyin ancha haakattan keyin KALİM KELTİROLDM usha vaqt bir o'limdan qoldim ancha vaqt uzimga kelomadim usha kun isitma 41 ga chiqqan ekan kalima keltirgandan keyn uyogini eslomiman onamla etallaki usha kuni ertalabgacha tinmi suv ichimman huddi suvsiz qogan insonde ikki kun hushsiz buganman eslasam qurqip ketaman boshidan kechgan insonni ismi sir tutildi
Дата: CHORSHANBA, 2010.10.13, 19:13 | Сообщение # 28
Группа: Удаленные
Vodima raxmat voqea uchun,isitmalash yomon o'limga ham olib kelishi mumkin.Lekin 2 yo'lni ko'rganligi menimcha jannat va do'zax bo'lsa kerak.Menam bir hikoya bilaman,Fozil Qori ma'ruzalaridan. Xo'p, shayton haqida. Bir qishloqda odamlar o'zlaridan ketishibdi,daraxtga ipcha bog'lab niyatlarini hojatlarini ravon qilishlarini so'rarkanlar.Bir obid musulmon bir yigit bor ekan qo'liga boltani olib daraxtni kesaman ular bu yo'ldan qaytsin deb yo'lga otlanibdi.Yo'lda odam suratidagi shayton uning yo'lini to'sibdi,lekin bechorahol ekan.Nima deysan qoch yo'limdan desa yigit,shayton uni bu yo'ldan qaytarishga urinib shunday debdi: ey mo'min banda nima qilasan shu daraxtni kesib,undan ko'ra uyinga bor,har kuni ertalab yostig'ing tagida 2 tanga bo'ladi debdi. U yigit esa unga laqqa ishonibdi.Menga nima sig'inishmaydimi menga desa daraxtga,zo'rku har kuni 2tangalik bo'laman deb uyiga boribdi.Ertalab qarasa 2 ta tilla tanga turganmish,xursand bo'libdi,ikkinchi kuniyam chiqibdi,ammo 3,4 kuni tanga yo'q.Yigitning jahli chiqib meni aldabdi deb bolta olib daraxt tomonga otlanibdi.Yana oldini shayton to'sibdi,ammo bu safar esa u bahaybat,salobatli va qo'rqinchli edi. Ha qayerga ketyapsan dedi yigitga.Yigit esa : men daraxtni chopib tashayman debdi qo'rqib. Daraxtga qo'l tekkizib ko'rchi kallangni uzib olaman debdi. Yigit esa undan nega 2 kunam 2xil ko'ringanini so'rabdi. Shayton esa shunday javob beribdi: sen birinchi gal Alloh uchun bandalarini bu yo'ldan qaytarish u_n bolta ko'tarib kelgan eding,seni ko'rib men qo'rqib ketdim,chunki seni tomoningda Alloh va farishtalar bor edi.Bugun esa haqqingni so'rab kelding,nafsingni qondirish u_n,seni nafsing yetaklab kelgan debdi.
Va nihoyat tugadi. O'qib o'zingizga yarasha ibrat olarsizlar degan umiddaman!
Дата: PAYSHANBA, 2010.10.14, 14:21 | Сообщение # 31
Группа: Удаленные
Aytishlaricha bir zamonlar Molik ibn Dinordan tavba qilishiga nima sabab bulganini surashganida u bunga javoban QUYDAGI RIVOYATNI AYTIB BERGAN EKAN:Ilgari men uyin kulgi va ichkilikga qattiq berilgan edim.kungilhushlik uchun bir joriya sotib oldim.malum muddat utib,qizchalik buldik.men qizimni juda yahshi kurar edim.u usib ulg'ayib emaklaydigan keyin yuradigan buldi.qachon men aroq ichmoqchi bulsam u qulimdan tortib aroqni tukib yuborar edi.u 2 yoshga etgach vafot etdi.men qayg'uda qoldim. shabon oyi edi.bir kuni yarim tunda ichib mast bulib yotib qolibman.tush kurdim.guyoki qiyomat qoyim bulibdi qabrlardan chiqib kelibman.bundoq qarasam yonimda katta ajdar meni emoqchi bulib turibdi.undan qurqib qochdim,u orqamdan quvlay boshladi.har qancha tez chopsam ham undan butunlay qochib ketolmas edim.qochayotib yulda oppoq libosli munkillagan bir cholni uchratdim.unga;ey otahon meni anavi ajdardan qutqaring.u meni emoqchi halok qilmoqchi'deb yalingan edim.chol'ey uglim men qarib kuchdan qolganman.u mendan baquvatligi uchun kuchim etmaydi.sen qochib yulingda davom etaver shoyad Alloh seni undan halos etsa;dedi.men tezroq chopa boshladim.ajdar ham izimdan qolmay kelar edi.yugura yugura duzah tabaqalariga kelib qoldim.duzah qizib qaynab yotardi.unga tushib ketishimga bir bahiya qoldi.shunda kimdir;sen mening ahlimdan emassan;dedi.u erdan burilib yana qocha boshladim.ajdar hamon quvlab kelardi edi.qocha qocha kuz qamashtiradigan nurli toqga yaqinlashdim.tog'da qasrlar bulib ularning eshik va pardalari kuzga tashlanib turar edi.shu payit kimdir;dushmani etib kelib halok qilmasdan manavi bechorani qutqaringlar!"dedi.eshiklar ochilib pardalar kutarilib yuzlari oyda bolalar chiqib kelishdi.qizim ham ular bilan birga edi.meni kurib oldimga tushdi.ung quli bilan ajdarni urgan edi u qochib ketdi.keyin qizim tizzamga utirdi.......shunda men:-ey qizim meni halok qilmoqchi bulgan bu ajdar nima edi?-deya suradim. -ey otajon u sizning yomon amallaringiz.uni kuchaytirib,kupaytirib yubordingiz.shuning uchun sizni halok qilmoqchi buldi. -haligi munkillagan chol kim edi? -sizning yahshi amalingiz.uni zaiflashtirib kamaytirib quydingiz.shu bois yomon amalingizga uning kuchi etmadi.Allohga tavba qiling halokatga uchraydiganlardan bulmang. shunday deb u yuqoriga kutarilib ketdi.men chuchib uyg'ondim va darhol tavba qildim. ogoh bulaylik ey musulmonlar.
Шайх Мухаммад Маснаднинг "Аллохга кайтган кизлар" рисоласидан Вадуд Ахмад таржимаси.
Мисрлик Сузи Мазхар йигирма йилдан бери Аллохнинг хак динига чакириш йўлида юрган даъватчи аёл. Унинг исми Аллохга кайтиб, тавба килган санъаткор аёлларнинг исмлари билан боглик, шунингдек, улар орасида Исломиятга даъват борасида анчайин ахамиятли ўрни бор. Сузи ўз тавбаси хакидаги киссасини шундай хикоя килади:
"Университетни адабиёт факулътети журналистика бўлимини тамомлаганман. Бувимнинг кўлида вояга етдим. Санъат устаси, артист Ахмад Мазхар амаким бўлади. Кўп вактларимни театр ва концертлар томошасида ўтказардим. Эркинлик ва хурлик деб аталмиш тушунча билан атрофимдаги хайвоний кўзлар олдида ўзимни жамолимни кўз-кўз килиб юрар эдим. Бувим менга каттик турмасдилар. Ота-онам хам шу каби эдилар. Ўзи кўпгина зодагон одамлар ва уларнинг фарзандлари шу каби хаёт кечиришади. Улар хайвонлар каби, балки, улардан баттарок бўлган турмушда яшашади.
Хакикатда, Ислом хакида унинг номидан бошка хеч нарсани билмас эдим. Лекин, мол-дунё ва обрў-эътиборли бўлсамда, менда бир нарсадан кўркув бор эди… Мен газ ва электрдан чикадиган ёнгинлардан жуда кўркардим. Аллох мени килаётган маъсиятларим туфайли бир куни ўтда ёндириб юборади деган гумон мени кўркитарди. Эртага Аллохнинг азобидан кандай нажот топаркинман деб ичимда ўйлардим. Баъзида, виждонимнинг бу каби маломатларидан кочиб уйкуга гарк бўлар, баъзида эса театр ёки кинога чикиб кетардим.
Вакти соати етиб, турмушга чикдим. Турмуш ўртогим билан "асал ойи" ни ўтказиш учун Францияга, Парижга саёхат килдик. Сафарда бир нарса мени эътиборимни тортди. Римда юрган чогимизда Ватиканда бўлгандик. Рим Папасининг музейига кирмокчи бўлганимизда, эшикбон эгнимга катта кора халат кийиб олишимни, акс холда киргизмаслигини айтиб туриб олганди… Улар ўзларининг бузилган диёнатларини мана шундай хурматлашади…
Шу онда пичирлаб, ўзимга савол бердим: "Бизга нима бўлди, Исломимизни шунчалар хурмат килмай, беэътибор бўлиб колибмиз??!"
Сунъий бахтиёрлигимнинг энг авжи кечаётган ўша кунларнинг бирида эримга, неъматларига шукрона рамзида Аллох учун икки ракат намоз ўкиб кўймокчиман, дедим. У: "Нимани истаётган бўлсанг шуни килишинг мумкин, бу сени эркинлигинг!!!" деди.
Бир куни узун кўйлак ва рўмол олдимда, Париждаги катта жомеъ масжидга кирдим…. Икки ракат намоз ўкидим…
Масжиддан чикар эканман, бошимдаги рўмолни ва узун кўйлакни ечиб, энди сумкамга солмокчи эдим, кутилмаган бир вокеа содир бўлди…
Олдимга кўк кўзли бир француз киз якинлашди. Бу кўзларни унутмайман… Бир умр унутмайман… Эгнида исломий либос-хижоб… Келиб, кўлимдан охиста тутди ва елкамга кўлини кўйиб, паст овозда:
"Опажон, хижобингизни нега ечаяпсиз?
Ахир, бу Аллохнинг буйруги эканини билмайсизми!!!" дея шивирлади:
Унинг бу сўзларидан донг котиб колдим. Кейин, ўзи билан бир неча дакикага масжидга киришимни илтимос килди. Рад этмокчи бўлдиму, лекин, кизнинг чиройли одоби, латиф муомаласи мени ичкарига киришга мажбур килди…
У: "Аллохдан ўзга илох йўк эканига гувохлик берасизми??… Ушбу шаходат калимаси - "Ла илаха иллаллох" нинг маъносини тушунасизми??… Улар факат тилдагина айтиладиган калималар эмас, балки, уни тасдиклаш ва унга амал килиш хам кераклигиничи??!" деб саволлар ёгдира кетди.
Ўша куни киз менга хаётдаги энг киска дарсни таълим берди… Калбим титраб кетди… Унинг сўзларидан хис-туйгуларим юмшаб, таъсирланиб кетдим…
Ўша куним эрим билан тунги клублардан бирида кунгилчоглик килиш учун жой буюриб кўйган эдик. "Кабаре" деб номланадиган то тонггача маишат бўладиган ушбу маконда эркагу аёл бирга раксларга тушишади. Улар мусика огушида, куй охангида аста-секин, бўлаклаб-бўлаклаб бир-бирларини кийимларини ечишади… Шармандагарчиликлар авжига минади…Худди хайвонлар каби, йўк, балки хайвонлар хам килмайдиган, килишга ор киладиган уятсиз ишлар у ерларда то тонггача давом этади…
Томоша килиб ўтириб, бирдан улардан нафратланиб кетдим… Залолатга чўмган нафсим улардан жирканиб кетди… Улардан юзимни буриб тескари ўгирилиб олдим… Атрофимда ким борлигини сезмай бошладим… Хаво етишмаётгандек бўлди… Эримдан нафас олиш учун ташкарига чикишимизни талаб килдим…
Эртасигаёк Кохирага кайтиб кетдим. Келасолиб, биринчи ишим Ислом билан танишиш бўлди. Гарчи мен шу вактгача дунё неъматларига бурканиб яшаган бўлсамда, хотиржамлик ва оромни билмай яшаганман. Лекин, ўша сакийнатни, оромни мен Исломга якинлашганимдан сўнг, намоз ўкиб, Куръон тиловат кила бошлаганимдан кейингина топдим.
Атрофимдан жохилий хаёт чекинди ва мен энди куну-тун Куръон мутолааси билан банд бўлдим… Ибн Касийр, Саййид Кутбларнинг тафсирларини топиб ўкидим. Хонамда ўтириб олиб, узун соатларни завк ва шавк билан китоб ўкишга багишладим…. Кўп ўкидим… Тунги ўтиришлар, кино-театрлар, маишатлар билан тўлган залолат хаётимдан хижрат килдим… Муслима аёллар билан таниша бошладим…
Аввалда, эрим хижоб ўрашим, уларнинг жохилий хаётларидан чекинишим, кариндош ва бошка эркаклардан ўзимни тортишим, номахрам эркаклар билан кўл бериб кўришмаслигим каби хатти-харакатларимга каттик туриб каршилик килди…
Буларнинг бари Аллох томонидан менга бўлаётган имтихон ва синовлар эди. Лекин, иймоннинг илк кадамлари Аллохга тўлалигича таслим бўлиш, Унинг кўрсатмаларига бўйсуниш хамда Аллох ва Росулини барча бошка нарсалардан ортикрок яхши кўриш билан кўйилади.
Кўпгина муаммолар бошимдан ўтди. Эрим билан ажрашишгача борай дедик…
Лекин…. Кичкинагина уйимизга Исломнинг киришини амр этган Аллохга хамд бўлсин… Аллох субханаху ва таоло эримни хам Исломга хидоят этди… Хозир у мендан кўра яхширок мусулмон кишига айланган…. Хозир у Аллохнинг Хак динига даъват этувчи мухлис кишилардан бири… Майли, мен уни шундай деб хисоблайман ва Аллохга бирон кишини мактамайман...
Касалликлар, дунёвий мушкулотлар ва биз дучор бўлаётган бир канча мусибатларга карамасдан биз хозир бахтиёрмиз… Биз бу мусибатларимиз дунёмиздагина эканидан ва шукрким, динимизда эмаслигидан жуда бахтиёрмиз…"
Дата: YAKSHANBA, 2010.10.17, 14:18 | Сообщение # 36
Группа: Удаленные
Halol va harom orasi bir qadam
Bir kuni Hazrati Ali (karramullohu vajhahu) masjidga namoz uchun kirayotib, eshik oldidagi bir kishiga xachirlarini tutib turishni iltimos qildilar. Namozni ado etib chiqarkanlar, haliga kishiga xizmati uchun ikki dinor berishni ko’ngilga tugdilar. Chiqib qarasalar, xachirlari turibdi, ammo u odam yuganni o’g’irlab qochib ketibdi. So’ng xodimlariga o’sha ikki dinorni berib, xachirga yugan sotib olishni buyurdilar. Xizmatkor bozorga tushib, o’g’ridan aynan o’sha yuganni sotib oldi. Olib kelgach, Hazrati Ali (r.a.) o’zlarini yuganlarini ko’rib hayron qoldilar va: “Banda halol rizqini harom qilib oldi”, dedilar
Дата: YAKSHANBA, 2010.10.17, 18:21 | Сообщение # 38
Группа: Удаленные
Raxmat Vodima opa. Payg'ambarimiz Muhmmad s.a.v dan ko'p narsani o'rganish kerak. U kishi hech qachon boylik ber deb duo qilmaganlar.Egnilarida bitta kiyim bosh bilan yurganlar.Hozir bizning gardirobimiz to'la kiyim va yana so'raymiz. Shukr qiladiganlar ham bor albatta. Bir kuni payg'ambarimiz ketayotsalar bir gadoy ularning etaklariga osilib : - ey rasululloh menga kiyim ber,kiyimim yo'q deb iltijo qilibdi. Payg'ambarimiz daraxga suyanib, turing ey birodar menga egnimdagidan boshqa kiyim yo'q,bo'lsa hammangizga berar edim debdilar. Mana qarang Allohning rasuli bitta kiyim bilan ham buyuk. Demak kiyim odamning mavqeyini belgilamaydi.
Дата: YAKSHANBA, 2010.10.17, 18:37 | Сообщение # 40
Группа: Удаленные
Yana bitta tarbiyaviy voqea bu Aroqning kasrida qancha gunoh qilish mumkinligi haqida. Bir shayxning go'zal xotini bor ekan. Ammo eri unga yoqmas ekan. Har juma namozga oshiqadigan mo'min bola ularning uylari oldidan o'tar ekan.Ayol uni yoqtirib qolibdi.Kanizagiga uni olib kelishini buyuribdi. Yolg'ondakam yordam beringlar deb baqirishibdi,yo'lida ketayotgan yigit nima bo'libdi deb yugurib kirsa kanizagi eshikni yopibdi. Ayol esa unga birga zino qilishni aytibdi,u rad etibdi. Ayol : -agar rad etsang baqirib odamlarni chaqiraman,seni qatl etishadi debdi. Keyin ayol bitta narsa taklif qilibdi. Yo qadahdagi sharobni ichasan,yo zino qilasan,yo manabu kanizakning bolasini o'ldirasan deb belanchakdagi bolaga ishora qildi. Yigit esa odam o'ldirish gunoh,zino ham,mayli sharobni ichamanu ketaman deb uni ichibdi. U o'tkirroq ekanmi darrov yigit o'zgarib unga yaqinlashibdi,bola yig'lagan ekan ayol unga: - bolaning ovozini o'chir halaqit beryapti debdi. Yigit chaqaloqni bir tepgan ekan bechora norasida o'libdi. Mana ko'rdingizmi bir sharob sabab 3 ta makruh,gunohi katta ishlar qilindi. Uni ichishdan,unga yaqinlashishdan tiyiling!
Дата: YAKSHANBA, 2010.10.17, 19:17 | Сообщение # 44
Группа: Удаленные
Ha to'g'ri o'limidan oldin tavba qilib o'lsa ekan. Agar tavba qilib o'lmasa u qabrda to'ng'iz qiyofasida bo'lar ekan.Mast odam har narsa qilishi mumkin.Uni ichish,ishlab chiqaruvchi,sotuvchi, uyida saqlovchi ham gunohga qoladi.
Дата: YAKSHANBA, 2010.10.17, 19:41 | Сообщение # 45
Группа: Удаленные
Azizhoji agar siz bir araqhorni tugri yulga boshlab iymonga kiritsangiz 2dunyo ajrni olasiz inshaAlloh lekin yordam berish gunoh emas kurib bilib turib bir insonni islomga davat qilmasangiz bu ham gunoh qulimizdan kelgancha araqhormi ugrimi tugrimi yordam berib uni tugri yulga chaqirish bizning barcha musulmonlarning farzidir
Дата: YAKSHANBA, 2010.10.17, 19:59 | Сообщение # 46
Группа: Удаленные
Quote (Vodima)
Azizhoji agar siz bir araqhorni tugri yulga boshlab iymonga kiritsangiz 2dunyo ajrni olasiz inshaAlloh lekin yordam berish gunoh emas kurib bilib turib bir insonni islomga davat qilmasangiz bu ham gunoh qulimizdan kelgancha araqhormi ugrimi tugrimi yordam berib uni tugri yulga chaqirish bizning barcha musulmonlarning farzidir
yana eshitsam qo'shaman. Ok
